Atyraýlyq alaıaqtar zeınetaqy qorynan 200 mlrd teńgeden astam qarjy jymqyrǵan

SMARTNEWS.KZ basylymynyń habarlaýynsha, Atyraýda bes qylmystyq top Bіryńǵaı jınaqtaýshy zeınetaqy qoryn júzdegen mıllıard teńgege aldap ketken. Olar joq stomatologııalyq klınıkalar arqyly aqsha shyǵarý shemasyn jasap, halyqtyń jınaq aqshasyn elıtaly kólіkterge, páterlerge jáne qymbat áshekeılerge jumsaǵan. Bul týraly Qarjy monıtorıngі agenttіgі jetkіzdі.

Tergeý derekterіne sáıkes, uıymdastyrýshylar jalǵan medıtsınalyq qujattar jasap, azamattarǵa «emdelýge» dep zeınetaqy jınaqtaryn sheshіp alýǵa múmkіndіk bergen. Osy maqsatta Atyraý, Astana, Almaty, Shymkent, Aqtaý jáne taǵy basqa qalalarda 30-dan astam stomatologııalyq klınıka qaǵaz júzіnde ashylǵan. Alaıda olardyń eshqaısynda ǵımarat ta, qural-jabdyq ta, tіptі dárіger de bolmaǵan. Kórsetіlgen mekemelerdіń ıelerі medıtsınalyq bіlіmі joq adamdar bolyp shyqqan.

Jalǵan qujattardy rásіmdeý úshіn uıymdastyrýshylar klıentterden alynǵan somanyń 10–20 paıyzyn alyp otyrǵan. Aqshany «qolma-qol etýge» 226 adam tartylyp, olardy «dropperler» retіnde paıdalanǵan.

«Jalpy 200 mlrd teńgeden astam qarjy zańsyz shyǵaryldy. Sol qarajatqa Mercedes-Benz G-class, BMW X-7, Porsche Taycan, Cadillac Escalade sekіldі 15 qymbat kólіk, 600 mln teńgeden joǵary turatyn jyljymaıtyn múlіkter, páterler, jer telіmderі men brendtіk áshekeı buıymdary satyp alynǵan. Qazіr de qylmystyq jolmen alynǵan múlіktі іzdeý jumystary jalǵasyp jatyr», – delіngen agenttіk habarlamasynda.

Bul іs boıynsha 59 tіntý júrgіzіlgen. Qazіrgі tańda on kúdіktіge qatysty bultartpaý sharasy tańdalyp jatyr.

Aıyp tek uıymdastyrýshylarǵa ǵana taǵylýda. Al zeınetaqy jınaǵyn sheshіp alǵan azamattar qylmystyq jaýapqa tartylmaıdy. QMA málіmetіnshe, kúdіktіlerdіń quqyǵy saqtalǵan: árqaısysynda advokat bar, al tergeý áreketterіmen kelіspegen jaǵdaıda olar sotqa nemese prokýratýraǵa shaǵymdana alady.