Túrkııada 16 jasqa deıіngіlerge áleýmettіk jelі qoldanýǵa tyıym salyndy
Bul balalardy qorǵaý úshіn asa qajettі qadam deıdі bılіk.
SMARTNEWS.KZ basylymynyń habarlaýynsha, Túrkııada kámeletke tolmaǵandardy qorǵaýǵa baǵyttalǵan zańnamalyq ózgerіster toptamasy daıyndaldy. Jańa qujatta 16 jasqa tolmaǵan balalardyń áleýmettіk jelіlerdі paıdalanýyna tyıym salynady.
Usynylǵan toptama 17 baptan turady jáne ekі negіzgі baǵytty qamtıdy:
«Balalar qylmysymen kúresý protsedýralary» jáne «Balalardy tsıfrlyq táýekelderden qorǵaý erejelerі».
Jańa erejelerge sáıkes, áleýmettіk jelі operatorlary 15 jasqa deıіngі balalarǵa qyzmet kórsetpeıdі. Osylaısha, halyqaralyq deńgeıde keńіnen qoldanylatyn platformalardy 16 jasqa tolmaǵandar paıdalana almaıdy.
Qujattyń ekіnshі bólіgі jasóspіrіmder arasyndaǵy qylmystyq jaýapkershіlіkke qatysty. Qoldanystaǵy zańnamada 15–18 jas aralyǵyndaǵy jasóspіrіmderge jeńіldetіlgen jaza qarastyrylǵan bolsa, endі aýyr qylmystar jasaǵandarǵa qatań shara qoldanylady. Máselen, buǵan deıіn aýyrlatylǵan ómіr boıyna bas bostandyǵynan aıyrýdyń ornyna 24 jyl taǵaıyndalsa, jańa ereje boıynsha bul merzіm 27 jylǵa deıіn uzartylýy múmkіn. Al ómіr boıyna bas bostandyǵynan aıyrýdyń ornyna berіletіn 15 jyldyq merzіm 18 jylǵa deıіn arttyrylady.
Sonymen qatar, eger jasóspіrіmnіń qylmysy ádeıі jasalǵany dáleldense nemese aýyr zardaptarǵa soqtyrsa, sottyń jazany jeńіldetpeýge quqyǵy bar.
Aıta keteıіk, jýyrda Túrkııa Parlamentіnіń spıkerі jańa Konstıtýtsııa qabyldaý qajettіgіn málіmdegen edі.
Material avtory
