Astanada álem chempıondaryn saltanatty túrde qarsy aldy (VIDEO)
Otandastarymyz álem chempıonatynda 7 altyn, 1 kúmіs, 2 qola júldege qol jetkіzgen edі.
SMARTNEWS.KZ basylymynyń habarlaýynsha, 16 qyrkúıek kúnі Astana halyqaralyq áýejaıynda Lıverpýlde ótken álem chempıonatynda top jarǵan Qazaqstan boksshylaryna qurmet kórsetіldі.
World Boxing uıymy bıyl tuńǵysh ret eresekter arasynda ótkіzgen álem bіrіnshіlіgіnde qazaqstandyqtar 7 altyn, 1 kúmіs, 2 qola júldege qol jetkіzіp, jalpykomandalyq esepte kósh bastady.
Chempıondardy qarsy alýǵa QR Týrızm jáne sport mınıstrlіgіnіń Sport jáne dene shynyqtyrý komıtetіnіń tóraǵasy Rýslan Esenalın, Astana qalasy ákіmіnіń orynbasary Erіk Meıіrhan, týystary men jankúıerlerі keldі.
Jeńіspen oralǵan boksshylar qatarynda Aıbek pen Nurbek Oralbaı, Sanjar Táshkenbaı, Bekzad Nurdáýletov, Sabyrjan Aqqalyqov, Saǵyndyq Toǵambaı, sondaı-aq bas bapker Qaırat Sátjanov bar.
Alda sportshylardy Álem kýbogynyń fınaldyq kezeńі, Azııa chempıonaty jáne 2026 jyly Japonııanyń Aıchı-Nagoıa qalasynda ótetіn jazǵy Azııa oıyndary kútіp tur.
Aıta keteıіk, buǵan deıіn Almaty áýejaıynda Qazaqstannyń áıelder quramasy da saltanatty túrde qarsy alynǵan bolatyn.
Material avtory
