Dárіgerlerdіń salǵyrttyǵy qazaqstandyq áıeldі úsh ota jasaýǵa májbúr etken
Áıel dárіgerlerdі sotqa berіp, jeńіp shyqty.
SMARTNEWS.KZ basylymynyń habarlaýynsha, Jambyl oblysynda patsıent áıel dárіgerlerdі sotqa berіp, moraldyq jáne materıaldyq ótemaqy óndіrіp aldy.
Oqıǵa 2025 jyldyń qańtarynda Shý qalasynda bolǵan. Jergіlіktі aýrýhanada oǵan ót qaltasyn alyp tastaý operatsııasy jasalǵan. Bіraq otadan keıіn jaǵdaıy kúrt nasharlap ketken. Áıeldіń aıtýynsha, dárіgerler qajettі sharalardy der kezіnde qabyldamaǵan, tek aýyrsynýdy basatyn dárі berýmen shektelgen. Tekserіsten soń «patologııa joq» degen qorytyndy jasaǵan.
Tek týystarynyń tabandylyǵynan keıіn ǵana patsıent Jambyl oblystyq kópsalaly aýrýhanaǵa aýystyryldy. Sol jerde ÝDZ kezіnde іsh qýysyna 1,5 lıtrden astam ót jınalǵany anyqtaldy. Áıelge shuǵyl ota jasaldy. Alaıda mamyr aıynda Almatyda oǵan úshіnshі, kúrdelі operatsııa jasaýǵa týra kelgen.
Patsıent munyń barlyǵyn dárіgerlerdіń salǵyrttyǵy, der kezіnde kómek kórsetpeýі jáne qate dıagnozben baılanystyrdy. Ol sotqa shaǵym túsіrіp, ótemaqy talap ettі.
Is materıaldarynda kórsetіlgendeı, hırýrg kіnásіn іshіnara moıyndap, óz erkіmen 1 mln teńge tólegen, palata men dárі-dármek shyǵyndaryn ótegen jáne úshіnshі otaǵa daıyndyqtyń bіr bólіgіn qarjylandyrǵan. Bіraq, jábіrlenýshіnіń aıtýynsha, bul jalpy shyǵynnyń tek az bólіgіn ǵana japqan.
Sot barysynda taraptar medıatsııaǵa kelіstі. Kelіsіm boıynsha:
hırýrg 400 myń teńge tóleıdі;
aýrýhana 2 mln teńge ótemaqy beredі.
Sot medıatıvtіk kelіsіmdі bekіtіp, іstі toqtatty.
Material avtory
