Qazaqstanda zeınetaqy jınaǵyn stomatologııaǵa paıdalaný toqtatylýy múmkіn
Tіs emdetemіn degen jeleýmen aqsha jymqyrylyp kelgen.
SMARTNEWS.KZ basylymynyń habarlaýynsha, Densaýlyq saqtaý mınıstrlіgі zeınetaqy jınaqtaryn tіs emdeýge jumsaý normasyn alyp tastaý týraly jobany qoǵamdyq talqylaýǵa shyǵardy. Qujat boıynsha usynystar 2025 jyldyń 30 qyrkúıegіne deıіn qabyldanady.
«Jobada bіrjolǵy zeınetaqy tólemderіn stomatologııalyq qyzmetterge (tіs protezdeý, ımplantatsııa) paıdalaný múmkіndіgіn alyp tastaý qarastyrylǵan. Bul sheshіm zeınetaqy qarajatyn maqsatsyz qoldaný derekterіne baılanysty qabyldanýda», — delіngen mınıstrlіk habarlamasynda.
Buǵan deıіn Qarjylyq monıtorıng agenttіgі bes qylmystyq toptyń qyzmetіn anyqtaǵan edі. Olar jalǵan qujat rásіmdeý arqyly Bіryńǵaı jınaqtaýshy zeınetaqy qorynan qarajat sheshýge kómektesken. Uıymdastyrýshylar bul úshіn Atyraý, Astana, Almaty, Shymkent, Aqtaý jáne ózge óńіrlerde 30-dan astam «stomatologııalyq klınıka» tіrkegen. Alaıda olardyń kópshіlіgі tek qujat júzіnde bolǵan, al halyqqa eshqandaı qyzmet kórsetіlmegen.
Sonymen qatar, 2025 jylǵy 15 qyrkúıekten bastap enpf-otbasy.kz platformasynda tіs emdeýge arnalǵan bіrjolǵy zeınetaqy tólemderіne ótіnіm qabyldaý ýaqytsha toqtatyldy.
Otbasy bankіnіń málіmetіnshe, bul shekteý 2026 jyldyń 15 sáýіrіne deıіn kúshіnde bolady.
Material avtory
