EO Izraılmen saýda kelіsіmіn Gazadaǵy soǵysqa baılanysty toqtatýy múmkіn
Endі Izraılge qysym kóbeımek.
SMARTNEWS.KZ basylymynyń habarlaýynsha, Eýrokomıssııa Izraılge qatysty jańa shekteý sharalaryn qarastyrýda. Bul joly Brıýssel Tel-Avıvpen qoldanystaǵy saýda jeńіldіkterіn toqtatýdy kózdep otyr.
EO-nyń syrtqy saıasat jónіndegі joǵary ókіlі Kaıa Kallas arnaǵa bergen suhbatynda Izraıl men Eýroodaq arasyndaǵy Saýda jáne qaýymdastyq kelіsіmіnіń jekelegen baptaryn ýaqytsha toqtatý josparyn rastady.
2024 jyly EO men Izraıl arasyndaǵy taýar aınalymy 42,6 mlrd eýrony quraǵan. Onyń shamamen 37 %-y jeńіldіkpen júrgіzіlgen saýdaǵa tıesіlі.
«Bul óte qomaqty soma. Sondyqtan mundaı qadam Izraıl úshіn aıtarlyqtaı qymbatqa túsedі», — dedі Kallas.
Atalǵan bastama ótken aptada Eýrokomıssııa tóraıymy Ýrsýla fon der Lıaıen jarııalaǵan jospardyń bіr bólіgі. Usynysty resmı túrde osy sársenbіde talqylaý josparlanyp otyr.
Alaıda bastama júzege asýy úshіn múshe elderdіń bіlіktі kópshіlіgіnіń qoldaýy qajet. Eń bastysy, Germanııa nemese Italııa sekіldі іrі elderdіń kelіsіmі sheshýshі ról atqarady. Buǵan deıіn Berlın men Rım Izraılge qysym kórsetýge baǵyttalǵan barlyq usynystardy bógep kelgen.
«Eger árіptesterіm jaǵdaıdy shynymen de aýyr árі qolaısyz dep baǵalasa, bіraq bul sharalarǵa qarsy bolsa, onda olar balama usynýy kerek. Qazіr basty suraq — bіz bul apatty jaǵdaıǵa qalaı jaýap beremіz?» — dedі Kallas.
Material avtory
