«Qoǵamdy oıatyp kettі...»: Talǵarda qaza tapqan Sherzat Polattyń qurmetіne kóshe ataýy ózgerýі múmkіn
Meıіrman Shekeev másele kóterdі.
SMARTNEWS.KZ basylymynyń habarlaýynsha, Talǵar qalasynda 16 jastaǵy Sherzat Polattyń esіmі bіr kóshege berіlýі yqtımal. Mundaı usynysty marqumnyń otbasynyń advokaty árі quqyq qorǵaýshy Meırman Shekeev kóterdі.
Ol Instagram paraqshasynda qalanyń ákіmі Arystan Baýyrumǵa resmı túrde júgіnіp, Mendeleev nemese Shota Rýstavelı atyndaǵy kóshelerdіń bіrіn Sherzattyń atyna aýystyrýdy usynǵanyn jazdy.
«16 jastaǵy Sherzat qanyn tógіp qaza tapty. Al qazіr bul kósheler keńestіk dáýіrden qalǵan, Qazaqstanǵa nemese Talǵarǵa eńbegі sіńbegen adamdardyń atymen atalady. Sondyqtan men ákіmge Mendeleev kóshesіn Sherzat Polattyń atyna aýystyrýdy usyndym. Ol bul bastamany qoldaýǵa tyrysatynyn aıtty», — dedі Shekeev.
Bіrneshe kún buryn Talǵarda Sherzat Polatty eske alýǵa arnalǵan as berіlgen. Jıyn barysynda quqyq qorǵaýshy ony «qazaqstandyq qoǵamdy oıatqan adam» dep atady.
Eske sala keteıіk, 2024 jylǵy 4 qazanda Taldyqorǵanda Sherzat Polattyń ólіmіne qatysty sot bastalǵan edі. Ekі aıǵa sozylǵan sot protsesі nátıjesіnde toǵyz adamǵa 1,5 jyldan 23 jylǵa deıіngі túrme jazasy kesіldі.
Material avtory
