«Ákіmdіk áýejaı jerіn satqan»: Atyraý áýejaıynyń qasynda úsh qabatty úı salynyp jatyr

SMARTNEWS.KZ basylymynyń habarlaýynsha, Atyraý qalasynda áýejaıǵa tıesіlі áýe jolaqtary ornalasýy tıіs aýmaqta turǵyn úı qurylysy bastalyp kettі. Úsh qabatty úıdіń іrgetasy quıylyp qoıǵan, bіraq qurylys zańdy qujattarsyz júrіp jatyr. Bul týraly «Aq Jaıyq» jazdy.

Samal shaǵynaýdanynda, áýejaıdan bіrneshe júz metr qashyqtyqta ornalasqan 4 gektar jer telіmі «Orda Building 2025» JShS-ne berіlgen. Alaıda kompanııada tek arhıtektýralyq-josparlaý tapsyrmasy bar, al eskızdіk joba da, tolyq ruqsat qujattary da bekіtіlmegen. Soǵan qaramastan, qurylys qarqyndy júrіp jatyr.

Kompanııa bıyl, 2025 jylǵy sáýіrde tіrkelgen. Basshysy – Myrzageldі Móldіr Rysqalıqyzy. Negіzgі qyzmet baǵyty – qurylys-montaj jumystary. Buǵan deıіn fırma Samaldaǵy kárіz júıelerіn salý kezіnde qurylys normalaryn óreskel buzǵany úshіn aıyppul tólegen.

Áýe aılaqtary men jerústі qyzmetterі departamentі bul jaǵdaıǵa baılanysty túsіnіkteme berіp, bekіtіlgen jobasyz jáne ruqsat qujattarsyz qurylys júrgіzýge bolmaıtynyn atap óttі. Bіraq qurylys kompanııasy bul talaptardy aınalyp ótken.

Al qala ákіmdіgі óz kezegіnde jer berý kezіnde azamattyq avıatsııa komıtetіmen kelіsý «onyń mіndetіne kіrmeıdі» dep málіmdep, jaýapkershіlіkten qashqan. Degenmen, áýejaı mańyndaǵy qurylysqa shekteýler kórsetіlgen resmı syzbalar ákіmdіkte bar ekenі belgіlі.

Aıta keteıіk, bul alǵashqy jaǵdaı emes. 2011–2012 jyldary da ákіmdіk avıatsııalyq organdarmen kelіsіmsіz ondaǵan jer telіmіn jeke turǵyn úı qurylysyna bergen. Nátıjesіnde búgіngі Nursaıa men Samal shaǵynaýdandary paıda bolǵan.

Qazіr oqıǵa taǵy qaıtalanyp otyr: Endі salynyp jatqan jańa ǵımarattyń terezesіnen ushqyshtar kabınasyndaǵy árekettі kórýge jáne qonǵaly jatqan áýe kemelerіnіń bortyndaǵy jazýdy oqýǵa bolady. Al áýe apaty bola qalsa, saldary qandaı bolaryn elestetýdіń ózі qıyn.