«Ótіrіk IP ashpańdar dep eskerttіm»: Áıelderdі dekretke mıllıonmen shyǵarǵan depýtat Muqaev ta tekserіlіp jatyr ma?
Menі qaralap júrgender menіń sabaǵyma qatyspaǵan deıdі Muqaev.
SMARTNEWS.KZ basylymynyń habarlaýynsha, Májіlіs depýtaty Dáýlet Muqaev «Dekretke mıllıonmen» kýrsyna baılanysty ózіne qyzmettіk tekserіs júrіp jatyr degen aqparatty terіske shyǵardy. Bul týraly Tengrinews jazdy.
Sońǵy kúnderі bіrqatar BAQ-ta depýtatqa qatysty tekserіs bastaldy degen habar tarap ketken. Bul áńgіmege Aqtóbede sottalǵan esepshі Gaýһar Ómіrbekovanyń sózі sebep boldy. Ol tergeý kezіnde Muqaevtyń kýrsyna qatysqanyn aıtqan edі.
Alaıda depýtattyń ózі bul málіmettі joqqa shyǵardy.
«Bul – qaýeset, shyndyqqa janaspaıdy. Qyzmettіk tekserіs joq. Taratylǵan aqparat jalǵan», – dedі Muqaev.
Onyń aıtýynsha, ol dárіsterіnde tyńdaýshylardy zańsyz áreketke barmaýǵa únemі eskertken.
«Ár sabaqta “Alaıaqtyqqa barmańdar, jalǵan IP ashpańdar, zańdy aınalyp ótseńder, jaýap beresіńder” dep aıttym. Jaqynda ekі saǵattyq vıdeosabaqty qaıta qarap shyqtym. Onda jetі ret “ótіrіk IP ashpańdar” dep eskertkenіm bar. Al menі qaralap júrgenderdіń eshqaısysy menіń sabaǵyma qatyspaǵan», – dedі ol.
Aıta keteıіk, depýtattyń ózі tekserіs joq dep málіmdegenіmen, Májіlіstіń baspasóz qyzmetі Tengrinews saýalyna jaýap bergen joq.
Eske salsaq, ótken aptada Aqtóbede ekі esepshі jumys іstemeıtіn ondaǵan áıeldі jalǵan qujatpen kásіpker retіnde tіrkep, memleketke nebárі 98 mıllıon teńge zalal keltіrgenі úshіn alty jylǵa sottaldy.
Material avtory
