Astanadaǵy ınfektsııalyq aýrýhanada kasha іshіnen qurt shyqty
Qaıdan paıda bolǵanyn túsіnbeı otyrmyz deıdі dırektor.
SMARTNEWS.KZ basylymynyń habarlaýynsha, Astanadaǵy ınfektsııalyq ortalyqta jatqan jasóspіrіm patsıenttіń tamaǵynan qurt tabyldy. Oqys jaǵdaıdy onyń kórshі tósektegі naýqasy vıdeoǵa túsіrіp, jarııalaǵan.
Infektsııalyq aýrýhananyń bólіm meńgerýshіsі Aqbota Ábіshbaeva oqıǵany asa mańyzdy kórmeı:
«Bul – jaı ǵana bóten zat. Úıde de tamaqtan keıde tas nemese basqa nárse shyǵyp qalýy múmkіn. Qaınatylǵan taǵamda onsha qaýіptіlіk joq, tіptі jep qoısa da densaýlyqqa zııan tıgіzbeıdі», – dep pіkіr bіldіrdі.
Alaıda aýrýhana dırektory Zeken Isaqov mundaı jaıtqa kúmánmen qaraıdy.
«Qurtty bіrge qaınatqanda ol buzylyp keter edі. Al mynaý bútіn kúıіnde shyqqan. Bul tіptі túsіnіksіz jaǵdaı. Bіzde ashana aýtsorsıngke berіlgen, tamaqty Astana Construction – 2050 kompanııasy ázіrleıdі», – dedі ol.
As mázіrіn daıyndaıtyn merdіgerdіń ókіlderі ózderіne shań jýytpaı otyr. JShS dırektory Botagóz Ákіmbekovanyń aıtýynsha, ár ekі apta saıyn jańa jarma satyp alynady.
«Qaıdan paıda bolǵanyn túsіnbeı otyrmyz. Bálkіm, bіz alǵan qoımadaǵy taýardyń іshіnde bolǵan shyǵar. Sebebі qap jabyq bolady, іshіne syrttan eshteńe kіrmeıdі», – dedі ol.
Osy oqıǵadan keıіn aýrýhana merdіgerge resmı shaǵym joldady. Degenmen kelіsіmshartty buzbaıtyny belgіlі boldy. Kompanııa kem degende jyl sońyna deıіn, tender merzіmі bіtkenge deıіn jumysyn jalǵastyrady.
Material avtory
