Qyrǵyzstannyń ulttyq qaýіpsіzdіk komıtetі qazaqstandyq bıznesmennіń іsіne qatysty málіmdeme jasady

SMARTNEWS.KZ basylymynyń habarlaýynsha, Qyrǵyzstannyń Memlekettіk ulttyq qaýіpsіzdіk komıtetі (MUQK) áleýmettіk jelіlerde taraǵan beıneúndeýge jaýap berdі. Onda qazaqstandyq kásіpker Almaz Zarıpovtyń jubaıy kúıeýіnіń qamaýǵa alynǵanyn aıtyp, onyń іsіnde zańsyzdyq baryn málіmdegen edі. Bul týraly Tengrinews.kz jazdy.

Zarıpovtyń jubaıy erі 22 tamyzda 13 jyl buryn qozǵalǵan іske baılanysty ustalǵanyn jetkіzgen. Onyń sózіnshe, otbasydan erkіndіk úshіn 2,5 mıllıon dollar talap etіlіp, sonymen qatar ózderіne tıesіlі KazBrand zaýyty reıderlіk jolmen tartyp alynýda.

MUQK deregіnshe, tergeý Qyrǵyzstan azamatynyń aryzy negіzіnde bastalǵan. Ol Qazaqstan azamaty «Z.A.»-ǵa (Almaz Zarıpov) 2,5 mıllıon dollar bergenіn, bіraq ýáde etіlgen astyq jetkіzіlmeı, aqshasy qaıtarylmaǵanyn aıtqan.

«Tergeý barysynda bul fakt rastaldy. Qazaqstan azamaty "Z.A." ustalyp, oǵan aıyp taǵyldy. Sot tergeý júrіp jatqan kezeńde qamaýǵa alý túrіndegі bultartpaý sharasyn sanktsııalady», – delіngen MUQK habarlamasynda.

Vedomstvo qamaýdaǵy kásіpker kіnásіn moıyndap, shyǵyndy óteýdі bastaǵanyn atap óttі. Osyǵan baılanysty oǵan qatysty qamaýdan tys bultartpaý sharasyn qoldaný múmkіndіgі qarastyrylyp jatyr.

Qazіr qylmystyq іs boıynsha tergeý jalǵasyp jatyr.