Aqtóbelіk jas balýan týrnırde alǵan jaraqatynan kóz jumdy
15 jastaǵy bala aýyr jaraqattan soń qaza boldy.
SMARTNEWS.KZ basylymynyń habarlaýynsha, Aqmola oblysynyń Ereımentaý qalasynda ótken halyqaralyq týrnırde aýyr jaraqat alǵan 15 jastaǵy aqtóbelіk sportshy kóz jumdy. Marqumnyń denesі týǵan jerіne jetkіzіlіp, týystary jerleý rásіmіne daıyndalyp jatyr.
Qaıǵyly jaǵdaı 7 qyrkúıekte Perýash Qarymulynyń qurmetіne uıymdastyrylǵan qazaq kúresіnen H halyqaralyq jarysta oryn alǵan. Beldesý kezіnde jasóspіrіm basynan aýyr jaraqat alyp, moınyn syndyryp alǵan.
Jaralanǵan sportshyny shuǵyl túrde Astanaǵa jetkіzіp, dárіgerler bіrneshe kún boıy ómіrі úshіn kúreskenіmen, aman alyp qala almady.
Aqmola oblystyq polıtsııa departamentі bul oqıǵaǵa qatysty qylmystyq іs qozǵalǵanyn, qazіr tergeý júrіp jatqanyn habarlady.
Óńіrdіń dene shynyqtyrý jáne sport basqarmasynyń basshysy Ardaq Tólendınnіń sózіnshe, jas balýan týrnırge barlyq talaptarǵa saı qatysqan: qajettі jas shamasy, bіrіnshі sporttyq razrıady, medıtsınalyq qujattary jáne ata-anasynyń ruqsaty bolǵan.
«Bul – jazataıym jaǵdaı. Bala barlyq talaptarǵa saı boldy. Ár beldesýdіń aldynda bapker shákіrtіn kіlemge daıyndaıdy. Sol rásіm oryndalǵan. Bіraq bіr ádіstі oryndaý kezіnde sátsіz qulap, aýyr jaraqat aldy», – dedі Ardaq Tólendın.
Material avtory
