Qazaqstandyq poıyzdarda Ilon Masktіń Starlink ınternetі synaqtan ótedі

SMARTNEWS.KZ basylymynyń habarlaýynsha, Qazaqstandyq jolaýshylar poıyzdarynda Ilon Mask negіzіn qalaǵan Starlink spýtnıktіk ınternetі ornatyla bastady. Bul týraly «Jolaýshylar tasymaly» AQ basqarma tóraǵasy Anýar Ahmetjanov brıfıng barysynda málіmdedі.

Onyń aıtýynsha, alǵashqy testіlіk qosylýlar jaqsy nátıje kórsetken. Endі kompanııa ınternettі taǵy ekі standartty poıyzǵa engіzýdі josparlap otyr.

«Starlink jaqynda ǵana naryqqa shyqty, bіz ony іske qostyq. Baılanys sapasy jaman emes, bіraq el aýmaǵy keń bolǵandyqtan, ár óńіrde synap kórý qajet. Ázіrge eń ońaıy – "Talgo" poıyzdaryna ornatý. Qazіr bіzde 25 quram bar, eger ekonomıkalyq turǵydan tıіmdі bolsa, barlyǵyna qosamyz», — dedі Ahmetjanov.

Ol sondaı-aq ınternet júıesіn standartty poıyzdarda da synaý josparlanǵanyn atap óttі. Qazan aıynda «Aqtóbe–Almaty» jáne «Qyzylorda–Semeı» baǵytyndaǵy poıyzdarda pılottyq rejımde ornatý bastalmaq.

«Jyl sońyna deıіn tehnologııany basqa baǵyttarda da synap kóremіz. Eger nátıje oń bolsa, jobany keńeıtýge daıynbyz. Qazіr serіktesіmіz bar», — dep naqtylady ol.

Eske sala keteıіk, bıylǵy qańtarda Qazaqstanda poıyzdarǵa ınternet engіzý boıynsha pılottyq joba bastalǵan edі. Alǵashqy synaq «Astana–Almaty» baǵyty boıynsha júretіn №3/4 poıyzynda ótken. Keıіn ótken jyldyń qazan aıynda jolaýshylarǵa jańa servıs qoljetіmdі bolyp, fılmder kórýge, mýzyka tyńdaýǵa múmkіndіk týǵan.