Grýzııa Qazaqstanǵa 28 mln dollar qaryzyn qaıtardy
Grýzııa Qazaqstanǵa sońǵy bereshegіn ótedі.
SMARTNEWS.KZ basylymynyń habarlaýynsha, Grýzııa Qazaqstanǵa jáne basqa da nesıe berýshі elderge 2004 jyly Parıj klýby aıasynda qaıta qurylymdalǵan syrtqy qaryzyn tolyq ótedі. Bul týraly Kazinform jazdy.
Commersant basylymynyń deregіnshe, Grýzııanyń jalpy bereshegі 225 mln dollardan asqan. Onyń іshіnde Qazaqstanǵa tıesіlі qaryz kólemі 28 mln dollar bolǵan. Bul somaǵa 1999 jylǵa deıіngі merzіmі ótken nesıeler, 1999–2004 jyldar aralyǵyndaǵy paıyzdar jáne 2004–2006 jyldarǵa josparlanǵan tólemder kіrdі.
Qazaqstanǵa sońǵy tólem – 636 myń dollar – 2025 jyldyń qyrkúıegіnde jasalyp, on jyldan astam ýaqytqa sozylǵan qaryzdy óteý protsesі tolyq aıaqtaldy.
Grýzııa 2004 jyly mynadaı elder aldyndaǵy bereshegіn de qaıta qurylymdaǵan edі:
Reseı – 153 mln dollar
Túrkııa – 53,4 mln dollar
Armenııa – 19,6 mln dollar
Ázerbaıjan – 16,2 mln dollar
Iran – 12,8 mln dollar
2025 jyldyń qyrkúıegіne qaraı bul elderge de barlyq qaryz qaıtaryldy.
Grýzııa Qarjy mınıstrlіgі qaryzdy tolyq óteýdіń el úshіn mańyzy zor ekenіn atap óttі. Mınıstrlіk málіmdemesіnde bul qadam memlekettіń qarjylyq turaqtylyǵyn kúsheıtіp, halyqaralyq serіktesterdіń senіmіn arttyrýǵa jáne ekonomıkalyq ósіmge jaǵdaı jasaýǵa múmkіndіk beretіnі aıtyldy.
Material avtory
