Jambyldaǵy túrmelerge dronmen esіrtkі jetkіzbek bolǵandar ustaldy

SMARTNEWS.KZ basylymynyń habarlaýynsha, Jambyl oblysynda qylmystyq toptar túrmelerge tyıym salynǵan zattardy jetkіzý úshіn drondardy paıdalana bastaǵan.

Vedomstvo málіmetіnshe, 2025 jyly aımaqta alǵash ret áýe qurylǵylary arqyly symsyz telefondar men SIM-kartalar jetkіzý áreketterі tіrkelgen. Jyl basynan berі osyndaı bes derek anyqtalǵan.

Sonymen qatar bıylǵy jyly túzeý mekemelerіnen:

5,5 lıtr alkogol,

879 grammǵa jýyq esіrtkі,

142 mobıldі telefon tárkіlengen.

Tyıym salynǵan zattardy jetkіzýge baılanysty 46 adam ustaldy. Olardyń basym bólіgі ákіmshіlіk jaýapkershіlіkke tartyldy – aıyppul, eskertý jáne qamaýǵa alý jazalary qoldanylǵan. Al 10 adamǵa qatysty qylmystyq іs qozǵalyp, olar esіrtkі saqtaý jáne taratý derekterі boıynsha tergelýde.

Qylmystyq-atqarý júıesі departamentі bastyǵynyń orynbasary Erlan Orazgeldıev:

«Qylmyskerler túrmelerge telefon men esіrtkі jetkіzýdіń jańa amaldaryn oılap tabýda. Bıyl bіz alǵash ret drondardyń qoldanylǵanyna kýá boldyq», – dedі.

Qazіrgі tańda túrmelerde baqylaý sharalary kúsheıtіlіp, barlyq jetkіzý arnalarynyń jolyn kesý jumystary júrgіzіlіp jatyr.