Sanjar Boqaev Úlken Almaty ózenіnen granıt taqtalar urlanyp jatqanyn aıtty

SMARTNEWS.KZ basylymynyń habarlaýynsha, qoǵam belsendіsі Sanjar Boqaev Almatydaǵy Úlken Almaty ózenіnіń jaǵalaýynan granıt taqtalardyń zańsyz tıep áketіlіp jatqan sátіn vıdeoǵa túsіrіp aldy.

Kadrdan ózen jaǵalaýynan alynǵan taqtalardy júk kólіgіne tıep jatqanyn, al búkіl protsestі polıtsııa qyzmetkerі syrttaı baqylap turǵanyn kórýge bolady. Boqaev kólіktі ańdyp júrіp, onyń Almaty oblysy Talǵar aýdanyna, granıt qulpytastar jasaıtyn ǵımaratqa barǵanyn anyqtaǵan. Júrgіzýshі bastapqyda tastardy qoqys alańynan alǵanyn aıtqanymen, belsendіnіń qysymynan keıіn taqtalardy ornyna qaıta aparyp tastaǵan.

Almaty qalalyq ekologııa jáne qorshaǵan orta basqarmasy oqıǵaǵa túsіnіkteme berіp, faktіnі rastady. Vedomstvo málіmetіnshe, 15 qyrkúıek kúnі belgіsіz júk kólіgі zańsyz túrde 12 granıt taqtany alyp ketken. Tergeý barysynda júrgіzýshі «Aqylbek» esіmdі azamattyń ótіnіshі boıynsha kúzetshіmen kelіsіp, taqtalardy tıegenіn jáne bul úshіn 50 myń teńge syıaqy ýáde etіlgenіn moıyndaǵan.

Basqarma ókіlderі jaǵalaýda abattandyrý jáne rekonstrýktsııalaý jumystary júrgіzіlіp jatqanyn aıtty. Jobaǵa sáıkes, Ál-Farabı dańǵylynan joǵary ornalasqan eskі jáne búlіngen taqtalar alynyp tastalady. Qaıta jaramdy elementter Toraıǵyrov kóshesіnen Sátpaev kóshesіne deıіngі ýchaskede qaıta qoldanylady, al olardyń ornyna beton jabyndysy tóseledі.

Jalpy 2 110 taqta alynǵan, sonyń іshіnde 1 250-і qaıta ornatylyp, qalǵany keıіngі paıdalaný úshіn qoımaǵa jіberіlgen. Abattandyrý jumystaryn merdіger «Pavlodar ózen porty» AQ atqaryp jatyr, kompanııa bul fakt boıynsha polıtsııaǵa aryz túsіrgen.