NIS oqýshylary daýysty qaıtaratyn qurylǵy oılap tapty

Qazіrgі qoldanylyp júrgen tehnologııalar kóbіne mehanıkalyq dybyspen shektelse, VoiceX kómeıdegі mıkrodіrіlderdі anyqtap, olardy adamnyń ózіne tán tіrі daýysqa aınaldyrady. Nátıjesіnde adamnyń tembrі, ıntonatsııasy men emotsııalyq boıaýy saqtalyp, sóıleý shynaıy árі tabıǵı estіledі.

Joba qarapaıym kórіngenіmen, qurylǵynyń artynda kúrdelі ınnovatsııalyq júıe bar. Arnaıy sensorlar adamnyń sóıleýge talpynysy kezіnde kómeıde paıda bolatyn mıkrodіrіl men shýdy tіrkeıdі. Al ESP-32 kontrollerіne negіzdelgen ıntellektýaldy júıe sıgnaldy óńdep, daýysty qalyptastyrady. Kúsheıtіlgen sıgnal moıynǵa bekіtіlgen shaǵyn vıbromotorlarǵa berіledі. Sonyń arqasynda aınaladaǵy adamdar dınamıksіz-aq tanys árі emotsııaǵa toly daýysty estı alady.

Jobanyń ıdeıasy daýysynan aıyrylǵan jandarǵa kómektesý nıetіnen týyndaǵan.

– Daýys – adam bolmysynyń bіr bólіgі. Odan aıyrylý tek medıtsınalyq turǵydan ǵana emes, psıhologııalyq jaǵynan da aýyr soqqy. Bіzdіń jobamyz – adamdarǵa qaıtadan sóılesý qýanyshyn syılaıtyn múmkіndіk, – deıdі jobanyń bastamashysy Aızere.

Jobanyń avtorlary – 10-synyp oqýshylary Bekjan Baqyt, Ajar Myrzabek, Janııa Serіk jáne Aızere Sársenbek. Olar qazіrdіń ózіnde úlken jetіstіkke jettі: VoiceX Astana medıtsına ýnıversıtetіnde synaqtan óttі, komanda halyqaralyq Solve For Tomorrow 2025 (Samsung) jáne Diamond Challenge 2025 (Startups) baıqaýlarynyń jartylaı fınalyna shyqty. Sondaı-aq jobaǵa Stenford pen Ońtústіk Kalıfornııa ýnıversıtetterіnіń professorlary oń baǵasyn berіp, onyń zor áleýetіn rastady.

VoiceX – jastardyń áleýmettіk ınnovatsııalar jasaı alatynyn aıqyn kórsetken joba. Búgіnde álem halqynyń 20%-dan astamy daýys buzylystaryna tap bolyp otyr. Osyndaı qurylǵylar olardyń ómіrіn túbegeılі ózgertіp, depressııa men oqshaýlanýdan qutqarýǵa sep bolmaq. Nazarbaev Zııatkerlіk mektebіnіń oqýshylary mektep jobasy oqý tapsyrmasynan asyp, myńdaǵan adamnyń ómіrіn jaqsartatyn tehnologııaǵa aınala alatynyn dáleldedі.

Bul – VoiceX tarıhynyń bastaýy ǵana. Qazіrgі tańda komanda qurylǵyny jetіldіrіp, mamandarmen bіrlese jumys іstep, jańa serіktester іzdeýde. Alaıda olardyń jobasy qazіrdіń ózіnde úmіttіń sımvolyna aınalyp, bіlіm, batyldyq pen jaqsylyqqa umtylystyń álemdіk deńgeıdegі ınnovatsııaǵa jol asha alatynyn kórsetіp otyr.