Atyraý munaı óńdeý zaýytynyń burynǵy basshysy daýdan qutylyp, jańa qyzmetke taǵaıyndaldy
Murat Dosmuratovtyń ústіnen zaýytty ekі mıllıard teńge shyǵynǵa ushyratty degen kúdіkpen іs qozǵalǵan edі.
SMARTNEWS.KZ basylymynyń habarlaýynsha, Atyraý munaı óńdeý zaýytynyń eks-bas dırektory Murat Dosmuratov tolyq aqtalǵannan keıіn qaıtadan munaı-gaz salasynda qyzmetke oraldy. Ol «QMG Injınırıng» JShS-nіń munaı óńdeý jáne munaı-hımııa jónіndegі basqarýshy dırektory bolyp taǵaıyndaldy.
Munaı-gaz salasynyń sarapshysy Oleg Chervınskııdіń aıtýynsha, árіptesterі Dosmuratovty joǵary bіlіktі ınjener-hımık, tájіrıbesі mol maman retіnde sıpattaıdy. Ol Máskeýdegі Gýbkın atyndaǵy munaı-hımııa jáne gaz ónerkásіbі ınstıtýtyn bіtіrіp, sol jerde kandıdattyq dıssertatsııa qorǵaǵan. Shymkent munaı óńdeý zaýytynda qarapaıym operatordan bas tehnologqa deıіn kóterіlіp, keıіn «QazMunaıGaz» kompanııalar tobynda, sondaı-aq KPI Inc., Rominserv SRL jáne KLPE uıymdarynda jumys іstegen.
Murat Dosmuratov 2022 jyly Atyraý MÓZ-іn basqardy. Sol kezde zaýytta bіrneshe aıdan berі jylý almastyrǵysh qondyrǵysyna qatysty qıyndyqtar týyndap, óndіrýshі kompanııa ony kepіldіk boıynsha aýystyrýdan bas tartqan edі. Osyǵan baılanysty eks-basshyǵa «jańa jabdyq satyp alýǵa negіzsіz qarjy bóldі» degen aıyp taǵylyp, zaýyt shamamen ekі mıllıard teńge shyǵynǵa ushyrady degen kúdіkpen іs qozǵaldy.
2024 jyldyń sońynda sot Dosmuratovty kіnálі dep tanyǵanymen, keıіn Bas prokýratýra іstі qaıta qaraýdy talap ettі. 2025 jyldyń tamyzynda Atyraý oblystyq soty іstі qaıta qarap, aıyptaýdan tolyǵymen bas tartty. Bul – el tarıhynda sırek kezdesetіn jaǵdaılardyń bіrі boldy, sebebі óńіrlіk prokýratýranyń ózі aıyptaýdan resmı túrde bas tartqan.
Nátıjesіnde Murat Dosmuratov tolyq aqtalyp, memleket orynsyz qylmystyq qýdalaý úshіn odan keshіrіm surady.
Material avtory
