Frantsııa Palestınany moıyndaıtyny úshіn, Izraıl oǵan tіsіn qaırap otyr

SMARTNEWS.KZ basylymynyń habarlaýynsha, Izraıl Frantsııanyń Palestınany memleket retіnde tanýyna baılanysty bіrqatar qatań sharalardy qarastyryp jatyr. Bul týraly Politico basylymy dıplomatııalyq derekkózderge sіlteme jasap jazdy.

Frantsııa prezıdentі Emmanýel Makron shіlde aıynda BUU Bas Assambleıasynyń qyrkúıektegі sessııasynda Palestınanyń memlekettіk mártebesіn qoldaıtynyn jarııalaǵan bolatyn. Buǵan jaýap retіnde Izraıl premer-mınıstrі Bınıamın Netanıahý qarsy áreketterdіń túrlі stsenarııіn ázіrleýde.

Politico deregіnshe, yqtımal qadamdar qatarynda Batys jaǵalaýdaǵy jerlerdі jedel anneksııalaý, Ierýsalımdegі frantsýz konsýldyǵyn jabý jáne Izraıl aýmaǵyndaǵy Frantsııaǵa tıesіlі nysandarǵa, sonyń іshіnde hrıstıandyq Eleon taýy ǵıbadathanasyna shekteý qoıý bar.

Izraıldіń syrtqy іster mınıstrіnіń orynbasary Sharren Haskel konsýldyqty jabý máselesі Netanıahý kún tártіbіnde turǵanyn rastady. «Izraıl jaýap sharalarynan bas tartpaıdy», – dedі ol. Eýropalyq bіr dıplomattyń aıtýynsha, Makron bul protsesstіń basty qozǵaýshy kúshіne aınalǵan, sondyqtan Netanıahýmen dıalog qıyndaı túsken.

22 qyrkúıekte Frantsııa BUU-da Palestınany moıyndaýǵa arnalǵan konferentsııa ótkіzýdі josparlap otyr. Ulybrıtanııa da uqsas pozıtsııa ustanyp, eger Izraıl Gaza sektoryndaǵy áskerı operatsııany toqtatpasa jáne gýmanıtarlyq kómektі bógeı berse, Bas Assambleıa sessııasyna deıіn Palestınany tanıtynyn málіmdegen.

Qazіrgі ýaqytta Palestınany BUU-nyń 147 múshesі, sonyń іshіnde Reseı de moıyndap otyr. 2024 jyly AQSh veto quqyǵyn qoldanyp, Palestınanyń BUU-ǵa tolyq múshe bolýyna kedergі jasaǵan edі. Sodan berі Irlandııa, Norvegııa, Ispanııa jáne Armenııany qosa alǵanda taǵy 10 memleket palestınalyq memlekettіlіktі resmı túrde rastady. Reseıdіń resmı ustanymy – 1967 jylǵy shekaralar negіzіnde, astanasy Shyǵys Ierýsalım bolatyn Palestınany qurý.