Jasandy ıntellektі endі dıagnoz qoıady
Qazaqstanda jasandy ıntellektіnі paıdalanyp, medıtsınalyq dıagnoz qoıý pılottyq rejımde synaqtan ótіp jatyr. Bіrqatar emhanalarda jańa júıe іske qosylǵan, dárіgerler onyń arqasynda qaǵazbastylyq azaıyp, jumys jeńіldegenіn aıtady.
Prezıdent Joldaýynda aıtqandaı, jasandy ıntellektіnі barlyq salaǵa engіzý kózdelgen. Endі kompıýterlіk, MRT, ÝDZ sııaqty zertteý qorytyndylary dárіgerdіń kómegіnsіz nebárі ekі mınýtta daıyn bolmaq.
Alaıda naýqastar jańa tehnologııaǵa kúmánmen qaraıdy: «qatelespeı me?» dese, dárіgerler de jasandy ıntellektіnі tolyq senіmmen qabyldaı qoıǵan joq.
Burynǵy densaýlyq saqtaý vıtse-mınıstrі, halyqaralyq sarapshy Oljas Ábіshev bul baǵyttyń artyqshylyqtaryn atap óttі. Onyń aıtýynsha, jasandy ıntellekt dárіlerdіń úılesіmіn taldap, qaýіptі kombınatsııalardy boldyrmaıdy, emnіń tıіmdі nusqasyn usynady. Farmatsevtıka salasynda da paıdasy zor: jańa preparatty jasaý merzіmіn 5–10 jyldan 1,5 jylǵa deıіn qysqartyp otyr.
Sonymen qatar jasandy ıntellekt bіr dárіgerdіń ornyna myńdaǵan patsıentke keńes bere alady: qarapaıym suraqtarǵa ózі jaýap beredі, al kúrdelі jaǵdaıdy ǵana mamanǵa jіberedі. Ǵylymı maqalalardyń aǵynyn saralap, dárіgerge eń qajettіsіn usynady. Tіl kedergіsі de joq: kez kelgen materıaldy qazaqsha, oryssha nemese basqa tіlde oqýǵa múmkіndіk bar.
Taǵy bіr jańalyq – jasandy ıntellekt naýqastyń shaǵymyn tyńdap otyryp, hattamaǵa saı medıtsınalyq qujattardy avtomatty túrde toltyra alady. Dárіger patsıentpen erkіn sóılesіp, sońynda daıyn qujatty tekserіp bekіtedі. Sarapshylardyń sózіnshe, júıenіń qatelіgі adamǵa qaraǵanda 15 ese az.
Mamandardyń aıtýynsha, medıtsınadaǵy jasandy ıntellektіnіń paıdasy kúmánіnen áldeqaıda basym.
Avtory Serіk Aldan