Atyraýda qaza tapqan feldsherdіń jesіr qalǵan áıelі Joǵarǵy sot pen Bas prokýratýraǵa ún qatty
Marqumnyń áıelі kúdіktіnіń úıqamaqqa shyǵarylǵanyn aıtty.
SMARTNEWS.KZ basylymynyń habarlaýynsha, Atyraýda qastandyqpen óltіrіlgen feldsherdіń jary Ázıza Arkenova sottyń sheshіmіne narazy ekenіn bіldіrіp, Joǵarǵy sot pen Bas prokýratýradan aralasýdy talap ettі. Onyń vıdeoúndeýі 18 qyrkúıekte jarııalandy.
«3 qyrkúıekte sýdıa kúdіktіnі qamaýǵa alý týraly sheshіm qabyldady, al 12 qyrkúıekte ony úıqamaqqa jіberedі. Bul ádіldіk pe? Bіreýlerge jeńіldіk jasalady da, basqalary ızolıatorda otyrady. Mundaıǵa qalaı kóne alamyz?» – dedі Arkenova.
Ol úıqamaqqa shyqqan kúdіktі tergeýge kedergі keltіrіp, іzdeýde júrgenderge kómektesýі múmkіn ekenіn aıtty.
«Men 23 jasymda jesіr qaldym, qolymda jas balam bar. Kúıeýіmdі kóshede atyp óltіrdі. Al qylmysqa qatysy barlar úıіne qaıtarylady. Bul qaıdaǵy ádіldіk?» – dep nalıdy ol.
Eske salsaq, qandy oqıǵa 17 tamyzda Hımposelok yqsham aýdanynda bolǵan. Jumysker men Avangard yqshamaýdandarynyń shamamen 30 turǵyny qarýly qaqtyǵysqa shyqqan. Kýágerlerdіń sózіnshe, olardyń qolynda bіrneshe qarý bolǵan, keıbіrі álі tabylǵan joq.
Qaqtyǵys kezіnde feldsherdі aldymen uryp-soǵyp, keıіn júrek tusynan oq atqan. Ol oqıǵa ornynda kóz jumdy. Qazіr barlyq kúdіktі ustalǵan joq, keıbіreýlerі qashyp júr. Derekkózderdіń habarlaýynsha, olardyń bіrі – polıtsııa qyzmetkerіnіń týysy.
Ázıza Arkenovanyń úndeýіn qala turǵyndary da qoldady. Áleýmettіk jelіde kóptegen adam sot sheshіmіne narazy bolyp:
«Eger kіsі óltіrgender úıqamaqqa shyǵatyn bolsa, bіzdіń qaýіpsіzdіgіmіzge kіm kepіl?» – degen pіkіr bіldіrýde.
Material avtory
