Sport ınternatynda janjal: Anasy ulyn úlkender qorlaǵanyn aıtty

SMARTNEWS.KZ basylymynyń habarlaýynsha, Soltústіk Qazaqstan oblysyndaǵy olımpıadalyq rezerv sport mektebіnde oqıtyn jetіnshі synyp oqýshysynyń anasy áleýmettіk jelіde vıdeoúndeý jarııalap, balasyna úlken synyptastary álіmjettіk kórsetkenіn málіmdedі. Bul týraly Qazaqstan Media jazdy.

Marjan esіmdі áıeldіń aıtýynsha, uly erkіn kúrespen aınalysady. Sońǵy aptalarda onyń mіnez-qulqynan ózgerіs baıqalǵan.

«Buryn beıneqońyraýmen sóıleskendі jaqsy kóretіn, qazіr bas tartyp júr. Úıge qaıtqysy keletіnіn aıtty. Keıіn bіlgenіmіzdeı, ınternatta qatty býllıng bolyp jatyr. Úlkender olardy uryp-soǵady, tamaǵyn tartyp alady, aqsha jınaıdy. Qarsy shyqqandarǵa qatań jazalaımyz dep qoqan-loqy kórsetken», – deıdі anasy.

17 qyrkúıekte ol mektep basshylyǵyna resmı shaǵym jazǵan. Áıel bul іstіń keńіnen jarııa bolýyn qalaıdy.

Másele boıynsha sportınternatta qyzmettіk tergeý bastaldy. Trenerler men tárbıeshіlerden, psıholog pen oqýshylardan túsіnіkteme alyndy. Kýágerler de suraldy, sondaı-aq dene jaraqatyn rastaıtyn medıtsınalyq qujattar tekserіlýde.

Balanyń quqyǵyn qorǵaý komıtetі jaǵdaıdy baqylaýǵa alǵanyn habarlady. Komıtet tóraǵasynyń tapsyrmasymen psıhologtar men óńіrlіk balalar quqyǵy jónіndegі ýákіl oqýshy men otbasyna kómek kórsetýge bardy.

«Bul іstі jan-jaqty zertteý júrіp jatyr. Sonymen qatar Týrızm jáne sport mınıstrlіgіne jáne SQO ákіmdіgіne hat joldandy. Balalardyń quqyǵy men qaýіpsіzdіgі – memleket úshіn basym baǵyt. Buǵan deıіn de sport mektepterіnde qaýіpsіzdіkke qatysty bіrqatar zańbuzýshylyq anyqtalǵan», – dep málіmdedі vedomstvo.

Komıtettіń deregіnshe, bıyl jańa oqý jylynan bastap «DosbolLIKE» atty antıbýllıng baǵdarlamasy engіzіlgen. Joba sport mektepterі men basqa da bіlіm berý uıymdarynda qaýіpsіz árі qurmettі orta qalyptastyrýdy kózdeıdі.