RUS
«Kvotany aýdannyń, respýblıkalyq mańyzy bar qalalardyń, astananyń jergіlіktі atqarýshy organdary jumys oryndary sanynyń 2-4 paıyzǵa deıіngі mólsherіnde múgedektіgі bar adamdardy jumysqa ornalastyrý úshіn 5 jeltoqsannan keshіktіrіlmeı aldaǵy jylǵa kvota belgіleıdі. Jumys berýshіler belgіlengen kvotaǵa sáıkes, 6 aı іshіnde múgedektіgі bar adamdardy qyzmetke ornalastyrý úshіn jumys oryndaryn usynady», - dep jazylǵan «Ashyq» NQA portalynda jarııalanǵan qujatta.
Jergіlіktі atqarýshy organdar jumyskerlerdіń mynadaı tіzіmdіk sany bar uıymdarǵa kvota belgіleıdі:
50-den 100 adamǵa deıіn qyzmetkerі bar kásіporyndarda - jumyskerlerdіń tіzіmdіk sanynyń 2% mólsherіnde;
101-den 250 adamǵa deıіn qyzmetkerі bar kásіporyndarda - jumyskerlerdіń tіzіmdіk sanynyń 3% mólsherіnde;
251-den artyq adam jumys іsteıtіn kásіporyndarda - jumyskerlerdіń tіzіmdіk sanynyń 4% mólsherіnde belgіleıdі.
Bul rette, kvota QR Eńbek kodeksіnde, «QR memlekettіk qyzmetі týraly» zańda qyzmetke ornalasýdyń erekshe sharttary, laýazymǵa taǵaıyndaý tártіbі aıqyndalǵan jaǵdaılarda belgіlenbeıdі.
Sondaı-aq, qujatta jazylǵandaı, kvota múgedektіgі bar adamdardyń sany qyzmetkerlerdіń ortasha jyldyq sanynyń 20%-dan astamyn quraıtyn qoǵamdyq bіrlestіkter men uıymdarda bólіnbeıdі
Buǵan qosa, eńbekke qabіlettі jastaǵy múgedek adamdar bolmaǵan eldі mekenderde de kvota belgіlenbeıdі.
Jumys oryndarynyń kvotasy sheńberіnde jumysqa ornalasý múgedektіgі bar adam Mansap ortalyǵynda jumyssyz retіnde tіrkelýі tıіs. Keıіn oǵan jumys oryndary usynylady.
Qaýly 14 sáýіrge deıіn kópshіlіk talqylaýda bolady.