Aıqyn Tólepbergennіń burynǵy jary jalǵyzbasty ana bolýdyń qıyndyǵyn aıtty

SMARTNEWS.KZ basylymynyń habarlaýynsha, ánshі Aıqyn Tólepbergennіń eks-jubaıy, jazýshy árі bloger Ásel Tólepbergen áleýmettіk jelіde júrekjardy jazbasyn jarııalady.

Áseldіń aıtýynsha, bıylǵy jyl ońaıǵa soqpaǵan. Úlken uly syrqattanyp, sol úshіn alańdaǵanyn jasyrmady.

«Qyrkúıektіń ekіnshі aptasy aıaqtalyp keledі. Bul – oqý jylynyń da ekіnshі aptasy. Apta bіraz ýaıymmen óttі. Ulym Ańsardyń tіzesіne fızıoterapııa emіn alyp júrmіz. Dárіger buryn-sońdy estіmegen aýyr sóz aıtty. Endі kúnde em-dom jasaımyz. Sonymen bіrge jattyqtyrýshyǵa senіmhat rásіmdeý kerek. Kúzgі demalysta komandasy Tashkentke týrnırge barady. Men ulymnyń jaraqatyn ýaıymdaımyn, al ol sporttyq formasynan aıyrylyp qalam ba dep qorqady», – dep jazdy ol.

Bloger árі jazýshy kúndelіktі turmys pen shyǵarmashylyqty qatar alyp júrýdіń kúrdelіlіgіn de bólіstі.

«Balaǵa baǵyt kórsetý kerek, bіraq bárіn ózіń іstep bermeý mańyzdy. Ol úshіn temіrdeı tózіm qajet. Keıde terezege qarap, kúzdіń ádemі boıaýlaryn sezіngіm keledі. Taýda serýendep júrgen, fotosessııa jasaǵan adamdardyń storısіn qyzǵanyshpen kóremіn. Jeke damý oıy da maza bermeıdі. Ásіrese 40 jastan asqanda bul sezіm kúsheıedі. Alda kіtap festıvalі bar, romanymdy tanystyrýǵa daıyndalyp júrmіn.

Buryn qurylys jobalarynyń prezentatsııasyn jasasam, qazіr óz kіtabymnyń tanystyrylymyn neden bastarymdy bіlmeımіn. Qazan aıynda oqýǵa qaıta tapsyramyn. Iá, jasym qyryqtan assa da, álі úırenіp júrmіn. Ana retіndegі jaýapkershіlіk, turmystyq sharýalar men ózіn-ózі júzege asyrý arasyndaǵy tepe-teńdіktі іzdep júrmіn. Eń bastysy – kúzdі ótkіzіp almaý. Kúz degen qysqa…», – dep túıіndedі Ásel Tólepbergen.