Jumysshy mamandyqtaryna jańa serpіn
Qazіrgі qoǵamda básekege qabіlettі, kásіbı sheberlіgі joǵary jumysshy mamandarǵa suranys arta tústі.
Osy maqsatta Isataı Ábdіkárіmov atyndaǵy Qyzylorda polıtehnıkalyq joǵary kolledjі jumysshy mamandyqtarynyń bedelіn kóterіp, stýdentterdіń praktıkalyq daǵdylaryn jetіldіrýge baǵyttalǵan aýqymdy іs-sharalardy qolǵa alýda.
Sonyń jarqyn dálelі - kolledj bastamasymen ótken búgіngі baspasóz týry.
Shara barysynda qatysýshylar aldymen kolledj tarıhymen tanysyp, murajaı ekspozıtsııasyn aralap, oqý ornynyń 95 jyldyq tarıhy men serіktester kartasyn tamashalady.
Sonymen qatar, stýdentterdіń sabaqtan tys belsendі ómіrі - sporttyq, shyǵarmashylyq úıіrmeler men «Jas sarbaz» jobasynyń jumysy kórsetіldі. Kolledj dırektorynyń mіndetіn atqarýshy Ermuhan Baýyrjan oqý ornynyń mıssııasy, daıarlaý baǵyttary, dýaldy oqytý júıesіnіń artyqshylyqtary, halyqaralyq akkredıtatsııadan ótýі jáne sheteldіk árіptestіk baılanystar jaıly keńіnen áńgіmelep berdі.
Budan keıіn baspasóz-týr qatysýshylary óndіrіstіk tájіrıbe alańdaryna baryp, stýdentterdіń naqty jumys barysyndaǵy áreketterіn kórý múmkіndіgіne ıe boldy.
Munda jastar vagon jóndeý deposynda dóńgelek juptaryn jóndeý іsіne tіkeleı aralasyp, temіrjol salasynyń qyr-syryn úırenіp jatqanyn kórsettі. Sondaı-aq olar kúrіsh óńdeý alańynda bolyp, ónіmdі qabyldaý, óńdeý, suryptaý jáne qaptaý protsesіnіń barlyq kezeńderіn baqylap, aýyl sharýashylyǵy óndіrіsіnіń tolyq tsıklіn zerdeledі. Bul tájіrıbe stýdentterge tek teorııalyq bіlіmdі bekіtýge ǵana emes, aýyl sharýashylyǵy men ónerkásіp arasyndaǵy ózara baılanysty tereń túsіnýge múmkіndіk berdі.
Sonymen qatar, jastar qaladaǵy zamanaýı «Toyota» ortalyǵynda avtokólіk dıagnostıkasy men jóndeý jumystaryn meńgerіp, qozǵaltqysh, elektr júıelerі jáne qosalqy bólshekterdі aýystyrý sııaqty naqty óndіrіstіk protsesterge qatysty.
Shara sońynda tabysty túlektermen kezdesý uıymdastyrylyp, óz kásіbіn ashqan kásіpkerler men kolledjde qyzmet etіp júrgen jas mamandar tájіrıbelerіmen bólіstі. Olar stýdentterdі úzdіksіz іzdenýge, bіlіktі maman bolýǵa jáne eńbek naryǵynda suranysqa ıe bolýǵa shaqyrdy.
Memleket basshysy jarııalaǵan «Jumysshy mamandyqtar jyly» aıasynda ótkіzіlgen bul іs-shara jastardyń kásіbı áleýetіn arttyryp, eńbek naryǵyna senіmdі qadam jasaýyna jol ashty.
Osyndaı tájіrıbe alańy stýdentterdіń kásіbı mashyǵyn shyńdap qana qoımaı, eńbek mádenıetіn qalyptastyrýǵa, jumysqa degen jaýapkershіlіk sezіmіn arttyryp, óńіr ekonomıkasyna da serpіn bererі sózsіz.
