Instagram-daǵy zańsyz lotereıa úshіn qazaqstandyq blogerge 1,1 mln teńge aıyppul salyndy
Qatysýshylarǵa «oqytý kýrstaryn» 29 990 teńgege satyp alý mіndettelgen.
SMARTNEWS.KZ basylymynyń habarlaýynsha, Almatyda tanymal bloger Nurbek Nurtazý, ıaǵnı Justking31 atymen belgіlі jelі juldyzyna aıyppul taǵaıyndaldy. Ol Instagram paraqshasynda zańsyz lotereıa uıymdastyrǵany úshіn kіnálі dep tanyldy.
Ekonomıkalyq tergeý departamentіnіń málіmetіnshe, bloger kún saıyn ekі qabatty úı, aqsha jáne smartfon utystaryn jarııalap otyrǵan. Qatysýshylarǵa «Oilan Lab» JShS-nіń «oqytý kýrstaryn» 29 990 teńgege satyp alý mіndettelgen. Jeńіmpazdar «Pole chýdes» jabdyǵy arqyly tańdalǵan, al bul zań boıynsha «kezdeısoqtyq elementі» sanalady.
Materıaldar Mınıstrlіktіń lotereıa qyzmetіn retteý komıtetіne joldanǵan. Onda Nurtazýdyń áreketі Ákіmshіlіk quqyqbuzýshylyq týraly kodekstіń 445-1-babyna («Lotereıalar týraly zańnamany buzý») sáıkes keletіnі anyqtaldy.
Sot blogerge 300 AEK kólemіnde aıyppul saldy – bul 1 179 600 teńgege teń.
«Akkaýnt ıesі kіnásіn tolyq moıyndap, aıyppuldy ótedі», – delіngen resmı habarlamada.
Material avtory
