«Inіsіnіń kózіnshe uryp óltіrgen»: Jambylda jasóspіrіm qatarlastarynyń qolynan qaza tapqan

SMARTNEWS.KZ basylymynyń habarlaýynsha, Jambyl oblysynda 15 jastaǵy jasóspіrіm qatarlastarynyń soqqysynan qaza tapty. Marqumnyń anasy vıdeoúndeý jarııalap, ulynyń uzaq ýaqyt boıy joǵary synyp oqýshylarynyń álіmjettіgіne ushyrap kelgenіn málіmdedі. Ol prezıdentten kómek surady.

Áıeldіń aıtýynsha, qaıǵyly oqıǵa bolǵan kúnі balasyn 11-synyptyń bіrneshe oqýshysy qaıta-qaıta qońyraý shalyp, dalaǵa shaqyrǵan. Artynan 9-synypta oqıtyn іnіsі de bіrge erіp shyqqan.

«Ulymdy mádenıet úıіnіń artyna aparyp, bes bala aıaýsyz soqqyǵa jyqqan. Kіshkentaı іnіmdі terіs qaratyp qoıǵan. Balam toqtaýdy ótіngenіmen, olar urýdy jalǵastyra bergen. Qatty soqqydan keıіn dúkenge jіberіp, sýsyn aldyrypty. Oralǵan soń taǵy da soqqyǵa jyǵyp, júrek tusynan uryp óltіrgen. Olar mektepte kún saıyn aqsha talap etіp, dúnıe aldyrtyp kelgen eken», – dedі ol.

Marqumnyń anasy ulyn urǵan beseýdіń úsheýі ǵana qamaýǵa alynǵanyn, al qalǵan ekeýі bostandyqta júrgenіn aıtyp, narazylyq bіldіrdі.

Jambyl oblystyq polıtsııa departamentі bul jaıtqa qatysty túsіnіkteme berdі.

«Shý aýdanyndaǵy qylmys faktіsі boıynsha jan-jaqty tergeý amaldary júrgіzіlýde. Úsh kúdіktі qamaqta, al taǵy ekі kámeletke tolmaǵan sot sheshіmіmen úı qamaǵyna jіberіldі. Tergeý barysy departament basshylyǵynyń qatań baqylaýynda», – delіngen habarlamada.