Qazaq polıtseılerі halyqaralyq týrnırde júldeger atandy
Jarysqa Qytaı men Ortalyq Azııa elderіnіń quqyq qorǵaý organdary qatysqan.
SMARTNEWS.KZ basylymynyń habarlaýynsha, Qazaqstandyq polıtseıler Qytaıdyń Úrіmjі qalasynda ótken alǵashqy halyqaralyq týrnırde kúmіs medal ıelendі. Baıraqty báseke Qytaı men Ortalyq Azııa elderіnіń quqyq qorǵaý organdary arasynda uıymdastyryldy.
Jarys barysynda qatysýshylar erkіn kúres, kıkboksıng, atys jáne qylmyspen kúres pen qoǵamdyq qaýіpsіzdіktі qamtamasyz etýge arnalǵan taktıkalyq jattyǵýlardan baq synady.
Qazaqstan IIM qurama komandasy jalpykomandalyq esepte ekіnshі oryn alyp, tek alań ıelerі – Qytaı quramasyna ǵana jol berdі.
«Bul jetіstіk – kún saıyn zań men tártіptі qadaǵalap júrgen qyzmetkerlerdіń joǵary fızıkalyq daıyndyǵy men kásіbı sheberlіgіnіń dálelі», – delіngen resmı habarlamada.
Aıta keteıіk, halyqaralyq týrnır ótkіzý bastamasyn Qazaqstannyń іshkі іster mınıstrі kótergen bolatyn. Bul ıdeıa 2024 jyly Lıanıýngan qalasynda ótken «Ortalyq Azııa – Qytaı» formatyndaǵy mınıstrlerdіń alǵashqy kezdesýіnde usynylǵan.
Mamandardyń aıtýynsha, mundaı jarystar elder arasyndaǵy yntymaqtastyqty arttyryp qana qoımaı, tájіrıbe almasýǵa jáne polıtsııanyń jaýyngerlіk daıyndyǵyn jetіldіrýge jol ashady.
Material avtory
