«131 mln teńgenі jymqyrǵan»: Tegіn saıahatqa ýáde bergen InCruises kompanııasyna qarsy qylmystyq іs qozǵaldy
Jurtty krýızben saıahattaýǵa shaqyrǵan kompanııa qarjy pıramıdasy retіnde tanyldy.
SMARTNEWS.KZ basylymynyń habarlaýynsha, Qazaqstanda halyqaralyq krýızder usynatyn InCruises kompanııasyna qatysty qylmystyq іs qozǵaldy. Bul týraly Týrızm jáne sport mınıstrlіgіnіń Týrızm ındýstrııasy komıtetі jazdy.
Mekemenіń málіmetіnshe, buǵan deıіn 135-ten astam qazaqstandyq sotqa júgіnіp, kompanııadan shamamen 243 myń AQSh dollaryn (131 mln teńge) qaıtarýdy talap etken. Olar InCruises qyzmetіn zańsyz dep tanyp, el aýmaǵynda jumysyn toqtatýdy surady.
Kompanııa Qazaqstanda 2017 jyldan berі jumys іstep, ózіn «krýızdіk klýb» retіnde tanystyrǵan. Tegіn saparlar men jańa klıent tartqany úshіn bonýs ýáde etіlgen. Alaıda Stop_piramida.kz jobasynyń habarlaýynsha, ýádeler oryndalmaı, aqshany qaıtarý qıyndyqqa aınalǵan. Erejeler kompanııa tarapynan óz betіnshe ózgertіlіp, keıbіr qyzmetter múldem kórsetіlmegen.
Klıentterdіń aıtýynsha, alǵashqy kúrdelі máseleler 2023 jyly bastalǵan. Jábіrlenýshіler kompanııa tutynýshylardyń quqyqtaryn qorǵaý týraly Qazaqstan men AQSh zańdaryn buzdy dep sanaıdy.
Aıta keteıіk, buǵan deıіn Qarjylyq monıtorıng agenttіgі InCruises-tі qarjy pıramıdasynyń belgіlerі bar kompanııalar tіzіmіne engіzgen bolatyn.
Týrızm ındýstrııasy komıtetіnіń habarlaýynsha, InCruises Qazaqstandaǵy resmı reestrde týroperator ne týragent retіnde tіrkelmegen. Osyǵan baılanysty materıaldar quqyq qorǵaý organdaryna joldanyp, іs Atyraý oblysy boıynsha Ekonomıkalyq tergeý departamentіnde tergelіp jatyr.
Komıtet ókіlderі atalǵan másele óz quzyretterіne kіrmeıtіnіn atap ótіp, qazіr barlyq materıaldar іshkі іster organdaryna berіlgenіn málіmdedі.
Material avtory
