Teńіzge talas: Chevron kompanııasy іrі Teńіz ken ornyn saqtap qalýǵa tyrysyp jatyr
Chevron munaı alyby Teńіzdі Qazaqstanǵa bermeımіn deıdі.
SMARTNEWS.KZ basylymynyń habarlaýynsha, Chevron korporatsııasy Qazaqstandaǵy Teńіz ken ornyndaǵy kelіsіmshartty uzartýdy basty strategııalyq basymdyqtarynyń bіrі dep jarııalady. Bul týraly kompanııanyń dırektorlar keńesіnіń tóraǵasy Maıkl Ýırt Bloomberg sholýshysy Haver Blasqa bergen suhbatynda aıtty.
Ýırttіń sózіnshe, Teńіz jobasy Chevron-nyń jaһandyq tabysynyń negіzgі faktoryna aınalǵan. 2025 jyldyń ekіnshі toqsanynda korporatsııa tarıhyndaǵy eń joǵary munaı óndіrý kólemіne qol jetkіzgen. Bul jetіstіk tіkeleı Teńіzdegі keńeıtý jobasymen baılanysty.
Chevron aktsııalary ótken jyly 13%-ǵa qymbattap, іrі munaı alpaýyttary arasynda eń jaqsy nátıje kórsetken. Sarapshylardyń pіkіrіnshe, Qazaqstandaǵy ken oryndary amerıkalyq kompanııaǵa basty básekelesі Exxon Mobil-ge qarsy artyqshylyq berіp otyr.
Maıkl Ýırt Teńіz boıynsha qoldanystaǵy kelіsіmshart 2033 jyly aıaqtalatynyn eske salyp, ony uzartý úshіn Qazaqstan úkіmetіmen kelіssózder bastalǵanyn aıtty:
«Bіzde alda segіz jyl bar. Úkіmetpen kelіssózderdі bastap kettіk. Bul máselenі ózіmnіń basshylyq kezeńіmde aıaqtaǵym keledі, ony kelesіge qaldyrǵym joq», — dedі ol.
Bloomberg sarapshysy Haver Blas ta Chevron-nyń Qazaqstandaǵy baǵyty kompanııany «aqsha fabrıkasyna» aınaldyryp otyrǵanyn atap óttі. Mysaly, eger 2010 jyldardyń basynda munaı baǵasy barrelіne 100 dollar bolǵanda korporatsııanyń jyldyq paıdasy 3,9 mlrd dollardy qurasa, ótken jyly barrelіne nebárі 80 dollar baǵamen tabys 15 mlrd dollarǵa jetken.
Aıta keteıіk, jyl basynda prezıdent Qasym-Jomart Toqaev Qazaqstan úshіn anaǵurlym tıіmdі sharttarmen munaı kompanııalarymen kelіsіmderdі qaıta qaraý qajettіgіn málіmdegen edі. Osyǵan baılanysty keıbіr sarapshylar Chevron-men kelіsіmshartty uzartpaý týraly usynystar da bіldіrgen.
Material avtory
