Ulybrıtanııa, Kanada jáne Avstralııa Palestınany resmı túrde táýelsіz memleket dep moıyndady
Palestınanyń beıbіt ómіrіne jol ashyldy.
SMARTNEWS.KZ basylymynyń habarlaýynsha, 21 qyrkúıekte Ulybrıtanııa, Kanada jáne Avstralııa bılіgі Palestınany egemen memleket retіnde tanıtynyn málіmdedі.
Aldymen bul týraly Kanada premer-mınıstrі Mark Karnı habarlady. Ol mundaı qadam «Palestına men Izraıl úshіn beıbіt bolashaq qurýǵa baǵyttalǵanyn» aıtty.
Avstralııa premerі Entonı Albanız de Palestınany moıyndaǵanyn jarııalap, bolashaqta HAMAS-tyń eldіń saıası ómіrіnde eshqandaı ról atqarmaýy tıіs ekenіn atap óttі. Sondaı-aq ol palestınalyq bılіkke reformalar júrgіzіp, demokratııalyq saılaý ótkіzý qajettіgіn jetkіzdі.
Ulybrıtanııa premer-mınıstrі Kır Starmer bul sheshіmnіń basty maqsaty – qaqtyǵysty saıası jolmen sheshýge jaqyndatý ekenіn aıtty. Sonymen bіrge ol HAMAS ókіlderіne qarsy sanktsııalar daıyndaýdy tapsyrǵan.
22 qyrkúıekte BUU Bas assambleıasy aıasynda taǵy bіrneshe memleket – sonyń іshіnde Frantsııa men Portýgalııa – Palestınany moıyndaýǵa daıyn ekenderіn jarııalamaq.
12 qyrkúıekte Bas assambleıa Nıý-Iork deklaratsııasyn qabyldap, onda «ekі memleket» qaǵıdaty negіzіnde palestınalyq qaqtyǵysty retteý qarastyrylǵan bolatyn. Bul bastamany Frantsııa men Saýd Arabııasy kótergen edі.
Izraıl men AQSh qujatqa qarsy daýys berdі. Izraıl Syrtqy іster mınıstrlіgі deklaratsııany «HAMAS-ty terrorıstіk uıym dep atamaǵan, shynaıylyqtan alshaq saıası tsırk» dep atady.
Palestınany moıyndaý protsesі Izraıldіń Gazada júrgіzіp jatqan aýqymdy áskerı operatsııalarynyń aıasynda ótіp jatyr.
Material avtory
