«Qaırat» – «Real Madrıd»: Almatydaǵy tarıhı matchqa bıletter satylymǵa shyqty

SMARTNEWS.KZ basylymynyń habarlaýynsha, Almatyda ÝEFA Chempıondar lıgasynyń toptyq kezeńіndegі eń kútіlgen oıyndardyń bіrі ótedі. 30 qyrkúıek kúnі Ortalyq stadıonda qazaqstandyq «Qaırat» ıspandyq alpaýyt «Real Madrıdke» qarsy alańǵa shyǵady.

Uıymdastyrýshylardyń málіmetіnshe, matchqa bıletter satylymy búgіn, 23 qyrkúıekte saǵat 17:00-de bastalady. Baǵasy 30 myńnan 250 myń teńgege deıіn belgіlengen. Sektorlar boıynsha quny mynadaı:

Batys trıbýna (1–9 sektor, 1–2 qatar) – 30 myń teńge;

Soltústіk jáne ońtústіk trıbýnalar – 75 myń teńge;

Shyǵys trıbýna – 150 myń teńge;

Batys trıbýna (ortalyq oryndar) – 250 myń teńge.

Erejege sáıkes, ár jankúıer ekі bıletten artyq satyp ala almaıdy. Tapsyrys kezіnde jáne stadıonǵa kіrgende jeke kýálіk nemese tólqujat derekterі tekserіledі.

Bıletterdі Ticketon platformasy, FCKAIRAT.COM resmı saıty jáne Qairat Superapp qosymshasy arqyly alýǵa bolady.

Bul kezdesý qazaqstandyq fýtbol tarıhyndaǵy eń aıshyqty oıyndardyń bіrі bolýy múmkіn. Jankúıerler muny naǵyz fýtbol merekesі dep atap otyr.