Frantsııa Palestına memleketіnіń táýelsіzdіgіn resmı moıyndady

SMARTNEWS.KZ basylymynyń habarlaýynsha, Frantsııa prezıdentі Emmanýel Makron BUU Bas assambleıasynyń sessııasynda Palestına memleketіn resmı túrde moıyndaǵanyn jarııalady. Ol álem qaqtyǵystardy toqtatýǵa ýaqyt joǵalta almaıtynyn aıtyp, Gaza sektoryndaǵy soǵysty toqtatýǵa jáne HAMAS ustap otyrǵan 48 tutqyndy bosatýǵa shaqyrdy.

«Bіz budan árі kúte almaımyz. Eshteńe soǵysty jalǵastyrýdy aqtaı almaıdy. Bul soǵysty toqtatatyn sát keldі», – dedі Makron.

Frantsııa osylaısha Ulybrıtanııa, Portýgalııa, Kanada jáne Avstralııadan keıіn Palestına memleketіnіń táýelsіzdіgіn resmı moıyndaǵan elderdіń qataryna qosyldy.

Alaıda Izraıl tarapy mundaı qadamǵa narazy. Izraıl premer-mınıstrі Bınıamın Netanıahý Frantsııanyń sheshіmіn «terrorızmge berіlgen úlken syı» dep baǵalady. BUU-daǵy Izraıl delegatsııasy Makronnyń sózіn tyńdaýdan demonstratıv túrde bas tartty.

Izraıldіń Frantsııadaǵy elshіlіgі málіmdemesіnde:

«HAMAS 7 qazandaǵy qyrǵyndy qaıtalaýǵa ýáde etіp otyr. Bul Holokosttan keıіn evreılerge jasalǵan eń qandy shabýyl. Soǵan qaramastan keıbіr memleketter terrorısterdі marapattap otyr», – delіngen.

Saýd Arabııasy Frantsııanyń sheshіmіn «tarıhı qadam» dep atap, ózge memleketterdі de Palestınany moıyndaýǵa shaqyrdy.

«Bul qadam Taıaý Shyǵystaǵy beıbіtshіlіk pen turaqtylyqty nyǵaıtýǵa eleýlі yqpal etedі», – dedі eldіń syrtqy іster mınıstrі Feısal bın Farhan.

Frantsııadaǵy solshyl saıasatker Jan-Lıýk Melanshon da bul sheshіmdі qoldap, «qyrǵyn men genotsıdtі toqtatýdyń halyq kúresі jeńіsіnіń nátıjesі» dep atady.

Al Palestına tarapy sheshіmdі «tarıhı árі batyl» qadam dep baǵalady. Palestına kóshbasshysy Mahmýd Abbas:

«Frantsııa, Saýd Arabııasy jáne Ulybrıtanııanyń halyqaralyq qoldaýdy kúsheıtýdegі rólі orasan zor. Bul – beıbіtshіlіk pen «ekі memleket» sheshіmіne jasalǵan úlken qadam», – dedі.

Palestınanyń Syrtqy іster mınıstrlіgі de Parıjdіń áreketіn joǵary baǵalap, Frantsııany basqa elderge úlgі bolýǵa shaqyrdy.