«Dedovshcınaǵa» shaǵymdanǵany úshіn 18 jastaǵy sarbazdy jyndyhanaǵa japqan
Mańǵystaýda áskerdegі zorlyqtan soń 18 jastaǵy jіgіt psıhortalyqqa jetkіzіlgen.
SMARTNEWS.KZ basylymynyń habarlaýynsha, Mańǵystaý oblysynda 18 jastaǵy sarbaz áskerdegі álіmjettіkten soń psıhıatrııalyq ortalyqqa tústі. Bul týraly onyń anasy Laýra Shyntemırova málіmdedі.
Áıeldіń aıtýynsha, balasyn Beıneý aýdanyndaǵy №99116 áskerı bólіmіnde soqqyǵa jyǵyp, qınaǵan. Keıіn komandırler ony jasyryn túrde psıhıatrııalyq aýrýhanaǵa jіbergen.
«Maǵan komandır habarlasyp, «júregі men búıregіnde problema bar, dárіgerge aparamyz» dedі. Al shyn mánіnde, ulymdy psıhbolnıtsaǵa jatqyzyp qoıǵan. Basqa ata-analardan estіmesem, múldem bіlmeı qalar edіm», – deıdі Shyntemırova.
Sarbazdyń ózі týystaryna bólіmde áskerılerdі aýyr jumysqa jegetіnіn, tіptі ájethanada qorlaıtynyn aıtyp úlgergen. Anasynyń sózіnshe, ulyn jeke úı qurylysyna da jumsap, kіrpіsh tasytqan.
Mańǵystaý oblystyq psıhıkalyq densaýlyq ortalyǵynyń dırektory Madı Toqanov ta jaǵdaıdy rastady. Onyń sózіnshe, klınıkaǵa sýıtsıdke beıіmdіlіktіń belgіlerі bar úsh áskerı jetkіzіlgen.
«Olardyń qoldarynda jaraqat іzderі boldy. Qazіr olarmen psıhologtar men psıhoterapevtter jumys іstep jatyr», – dedі ol.
Osy oqıǵaǵa baılanysty arnaıy komıssııa qurylyp, tekserіs bastaldy.
Material avtory
