Mınıstrlіk qazaqstandyq benzınnіń Ózbekstanǵa jіberіlmegenіn aıtty

SMARTNEWS.KZ basylymynyń habarlaýynsha, Energetıka mınıstrlіgі qazaqstandyq benzınnіń Ózbekstanǵa eksporttalyp jatyr degen aqparatty joqqa shyǵardy.

Vedomstvonyń málіmetіnshe, Qazaqstanda janarmaıdy syrtqa shyǵarýǵa tyıym qatań saqtalyp otyr. Benzın resmı túrde Ózbekstanǵa da, basqa elderge de eksporttalmaǵan. Al zańsyz jolmen shyǵarý máselesіne qatysty mınıstrlіk naqty derek keltіrmedі, bіraq kontrabandamen kúres júrіp jatqanyn atap óttі.

Mınıstrlіktіń túsіndіrýіnshe, daýdyń bastalýyna 2025 jyldyń kóktemіnde qabyldanǵan bіr rettіk sheshіm sebep bolǵan. Sol kezde el іshіnde artyq jınalyp qalǵan AI-92 markaly benzındі saqtaý qoımalary jetkіlіksіz bolǵandyqtan, belgіlі bіr kólemі Ózbekstanǵa satylǵan.

«Sáýіr-mamyr aılarynda іshkі naryqta jetkіlіktі kólem qalyptasqandyqtan, artyq qalǵan benzındі ýaqytsha eksporttaýǵa ruqsat berіldі. Bul halyqaralyq tájіrıbede bar qalypty qadam. Bіr jaǵynan qoımalardy bosatýǵa, ekіnshі jaǵynan bıýdjetke qosymsha salyq túsіrýge múmkіndіk berdі. Maýsymnan bastap eksport tolyǵymen toqtatyldy. Bul sheshіm josparly jóndeý jumystaryna daıyndyq úshіn strategııalyq qor jınaýǵa baǵyttaldy», – dedі mınıstrlіkte.

Vedomstvo málіmetіnshe, eksportqa tyıym salý eldegі janarmaı qoryn aıtarlyqtaı arttyrǵan. Jazdyń basynda AI-92 qory shamamen 70 %-ǵa, al dızel kólemі 78 %-ǵa kóbeıgen. Qazіr naryqtaǵy jaǵdaı turaqty, tapshylyq joq.

Buǵan deıіn Reseıdegі janarmaı daǵdarysyna jáne kórshі elderdegі baǵa aıyrmashylyǵyna baılanysty Qazaqstannan benzındі zańsyz áketý qaýpі kúsheıgenі aıtylǵan edі.