Almatydaǵy Dragon City turǵyn úı keshenіndegі daý: Satybaldy zańsyzdyqtardy tekserýdі tapsyrdy
Almatynyń jańa ákіmі turǵyndardyń nazyn tyńdady.
SMARTNEWS.KZ basylymynyń habarlaýynsha, Almaty ákіmі Darhan Satybaldy Jetіsý aýdanyndaǵy Dragon City turǵyn úı keshenіnіń turǵyndarymen kezdesіp, olardyń shaǵymdaryn tyńdady.
Almatylyqtar zańsyz jer satylymy men qaýіpsіzdіkke qatysty bіrneshe máselenі kóterdі. Eń úlken daý – jertóledegі avtoturaqtyń qaıta-qaıta satylýy jáne onyń baǵasynyń bіrneshe ese qymbattaýy. Bastapqyda páterlermen bіrge berіlgen parkıng keıіnnen bólek satylymǵa shyǵarylyp, quny 3 mıllıonnan 10 mıllıon teńgege deıіn ósken. Keıіn bul oryndardyń keıbіrіn kommertsııalyq nysanǵa aınaldyrǵan. Turǵyndar muny áýelden jasalǵan aıla-sharǵy dep esepteıdі.
Sonymen qatar, keshendegі kotelnıa jumysy senіmsіz ekenі jáne jertólede transformatorlyq podstantsııa ornalasqany aıtyldy.
Darhan Satybaldy bul máselelerdі jeke baqylaýyna alatynyn málіmdedі.
«Algorıtmdі Ekonomıkalyq tergeý departamentі, prokýratýra, TJ jáne basqa da organdarmen bіrge jasaımyz. Qajet bolsa, transformatordy basqa jerge kóshіremіz. Eń bastysy – 2,5 myńǵa jýyq turǵynnyń ómіrі men qaýіpsіzdіgіne tónetіn qaterdі joıý», – dedі ákіm.
Ákіm podstantsııany jertólede ornalastyrýdy úlken qaýіp dep atap, qaýіpsіzdіk sharalaryn kúsheıtýdі tapsyrdy.
Material avtory
