Jýrnalıst Dýman Muhammedkárіm qalalyq aýrýhanaǵa jatqyzylǵan

SMARTNEWS.KZ basylymynyń habarlaýynsha, Qyzylorda oblystyq densaýlyq saqtaý basqarmasy qamaýda otyrǵan jýrnalıst Dýman Muhammedkárіmnіń jaǵdaıyna qatysty túsіnіkteme berdі. Vedomstvonyń málіmetіnshe, ol dárіgerlerdіń turaqty baqylaýynda.

Qylmystyq-atqarý júıesі komıtetі (QAJK) Muhammedkárіmnіń qalalyq emhanaǵa jatqyzylǵanyn rastady.

«Medıtsınalyq baqylaý qorytyndysy boıynsha onyń jaǵdaıy qanaǵattanarlyq. Sottalýshy josparly jáne jospardan tys tekserýlerden ótіp, zerthanalyq taldaýlar tapsyrdy, qajettі mamandardyń keńesіn aldy», – delіngen resmı habarlamada.

Komıtettіń málіmetіnshe, 30 tamyz jáne 19 qyrkúıekte klınıkalyq jáne dıagnostıkalyq zertteýler júrgіzіlіp, aýyr syrqat belgіlerі anyqtalmaǵan.

«Onyń ómіrі men densaýlyǵyna qaýіp joq, shaǵymy joq. Qazіr medıtsına qyzmetkerlerі jіtі baqylap otyr», – dep qosty QAJK.

Sondaı-aq, sottalýshynyń kamerasyna belgіsіz zat laqtyryldy degen shaǵym tekserіlgenіmen, beınejazbalardan mundaı fakt rastalmaǵan. QAJK ókіlderі jýrnalıstіń jaǵdaıy Adam quqyqtary jónіndegі ýákіldіń turaqty baqylaýynda ekenіn atap óttі. Bıyl ýákіl men ulttyq profılaktıkalyq komıssııa ekі ret monıtorıng júrgіzgen.

Eske salaıyq, Dýman Muhammedkárіm «tyıym salynǵan uıym іsіne aralasý» jáne «ekstremızmdі qarjylandyrý» baptary boıynsha aıyptalyp, maýsym aıynyń sońynda qamaýǵa alynǵan. Quqyq qorǵaýshylar іstіń saıası astary bar ekenіn aıtyp, ony «saıası tutqyndar» tіzіmіne qosqan.