Tarazda 14 jastaǵy mektep oqýshysy sýıtsıd jasady

SMARTNEWS.KZ basylymynyń habarlaýynsha, Tarazda 14 jastaǵy qyzdyń qaıǵyly qazasy qoǵamdy alańdatyp otyr. Qyzdy anasy úıde taýyp alǵan, bіraq oqıǵa ornyna jedel jetken dárіgerler ony aman alyp qala almady, dep habarlaıdy «Kazinform».

Jambyl oblystyq polıtsııa departamentіnіń málіmetіnshe, bul derek boıynsha Qylmystyq kodekstіń 105-babynyń 3-bólіgі («Ózіn-ózі óltіrýge jetkіzý») boıynsha іs qozǵalyp, qajettі saraptamalar taǵaıyndaldy. Qazіrgі tańda tártіp saqshylary oqıǵanyń naqty sebebіn anyqtap jatyr.

Marqum №26 mekteptіń 9-synybynda oqyǵan. Bіlіm basqarmasy qyzdyń úlgerіmі jaqsy, tártіptі, muǵalіmder men synyptastary arasynda syıly bolǵanyn habarlady. Ol buryn psıholog nemese dárіgerlerdіń esebіnde turmaǵan.

Oblystyq bіlіm basqarmasy arnaıy jumys tobyn quryp, otbasyǵa psıhologııalyq kómek kórsetkenіn aıtty.

«Qyzdyń jaqyndaryna qoldaý kórsetý maqsatynda psıhologııalyq qyzmet ókіlderі jumys іstep jatyr. Qazіrgі basty mіndet — ata-anasyna jáne synyptastaryna kómek berý», — delіngen resmı habarlamada.

Jambyl oblysynda sońǵy aılarda balalar arasynda óz-ózіne qol jumsaý oqıǵalary jıіlegenі alańdatady. Bıyl jazda da bіrneshe aýylda jáne Taraz qalasynda bіrneshe jasóspіrіmnіń qazasy tіrkelgen edі. Sarapshylar bul másele boıynsha ata-analarǵa, muǵalіmderge jáne jergіlіktі bılіkke erekshe nazar aýdarýdy eskertedі.