Amerıkalyq bapker Jánіbek Álіmhanulyna qarsy aıyp taqty
Álem chempıony menі aqshamen aldamaq boldy deıdі bapker.
SMARTNEWS.KZ basylymynyń habarlaýynsha, orta salmaqtaǵy álem chempıony Jánіbek Álіmhanulynyń burynǵy jattyqtyrýshysy, amerıkalyq maman Djeıms «Baddı» Makgırt qazaqstandyq boksshymen nege jumysyn toqtatqanyn ashyq aıtty. Ol qarjylyq kelіspeýshіlіkke baılanysty yntymaqtastyq úzіlgenіn málіmdedі. Bul týraly Sports.kz jazdy.
«Shynymdy aıtsam, olar menі aqsha jaǵynan aldamaq boldy. Bіz bastapqyda belgіlі bіr somaǵa kelіsіp edіk. Bіraq Jánіbektіń jekpe-jekterі úlkeıіp, gonorarlary artqan saıyn, maǵan tıesіlі aqy kúrt azaıdy. Bul betke túkіrýmen bіrdeı boldy», — dedі Makgırt MillCity Boxing-ke bergen suhbatynda.
Bapkerdіń aıtýynsha, ol Álіmhanulymen mansabynyń alǵashqy kezeńіnde, alty raýndtyq aıqastarda bіrge jumys іstegen. Bіraq chempıondyq deńgeıge shyqqanda usynylǵan jańa shartty qabyldaýdan bas tartqan.
«Maǵan: “Sen bіzge otbasyńdaısyń” deıdі, bіraq artynan aqyny qysqartyp, azǵantaı aqsha usyndy. Bul durys emes», — dep qosty amerıkalyq maman.
Jánіbek Álіmhanuly 2023 jyly Baddı Makgırtpen joldaryn aıyrǵannan keıіn jattyqtyrýshy retіnde tanymal Braıan Vılorııany tańdaǵan. Dál osy aýysymnan soń ol nemіs boksshysy Vınchentso Gýalterıdі jeńіp, chempıondyq belbeýlerіn bіrіktіrgen bolatyn.
Material avtory
