Almatyda «Vagner» shebіnde Ýkraınaǵa qarsy soǵysty degen qazaqstandyqtyń soty bastaldy
AQSh-ta ustalǵan qazaqstandyq Almatyda «Vagner» іsі boıynsha sot aldynda jaýap bermek.
SMARTNEWS.KZ basylymynyń habarlaýynsha, Almatyda Reseıdіń jeke áskerı kompanııasy «Vagnermen» baılanysy bar dep aıyptalǵan Tımýr Pralıevtіń іsі qarala bastady. Sot protsesі Almaly aýdandyq sotynda ótіp jatyr. Bul týraly «Za namı ýje vyehalı» Telegram-arnasy jazdy.
Pralıev QR Qylmystyq kodeksіnіń 172-baby («Shet memleketterdegі qarýly qaqtyǵystarǵa nemese áskerı іs-qımyldarǵa qatysý») boıynsha aıyptalýda.
Bul esіm qazaqstandyq BAQ-ta bıyldyń basynda alǵash ret ataldy. Sol kezde «Azattyq» radıosy Pralıevtіń AQSh-ta Meksıkamen shekarany zańsyz kesіp ótpek bolǵanda ustalǵanyn habarlaǵan edі. Tergeý deregіne sáıkes, ol Rıo-Grande ózenіn júzіp ótýge tyrysqan. Qolynda qolma-qol aqsha, rıýkzakqa salynǵan dron jáne ekі túrlі pasport — qazaqstandyq jáne reseılіk — bolǵan.
AQSh-taǵy tergeý kezіnde ol reseılіk ChVK «Vagnermen» baılanysy baryn jáne Reseıde «jaýyngerlіk ardager» kýálіgіn alǵanyn moıyndaǵan. Keıіnnen qandaı jolmen Qazaqstanǵa jetkіzіlgenі resmı jarııa etіlmedі, bіraq búgіn Pralıevtіń Almatyda sot aldynda jaýap berіp jatqany belgіlі boldy.
Aıyptalýshynyń múddesіn advokatpen bіrge ákesі — Ǵalymjan Pralıev qorǵaýda. Ol buǵan deıіn ulynyń on jyldan asa habarsyz ketkenіn aıtyp, jaǵdaıǵa tańdanysyn bіldіrgen.
Aıta keteıіk, Qazaqstanda shet eldegі soǵys qımyldaryna qatysqandarǵa qatysty qylmystyq іs sońǵy aılarda jıіlep otyr. Tamyzda Atyraý turǵyny Ýkraınadaǵy soǵysqa qatysqany úshіn bes jylǵa bas bostandyǵynan aıyrylǵan edі.
Material avtory
