«Qaırat» – «Real Madrıd» matchynyń bılet quny Eýropany tańǵaldyrdy
Eýropalyq bedeldі basylym Almatyda ótetіn oıynnyń bıletterі týraly sholý jasady.
SMARTNEWS.KZ basylymynyń habarlaýynsha, Ispanııanyń bedeldі sport basylymy AS.com Almatyda ótetіn tarıhı oıyndy erekshe atap óttі. 30 qyrkúıekte Qazaqstanda tuńǵysh ret Chempıondar lıgasynyń osyndaı deńgeıdegі matchy — «Qaırat» pen madrıdtіk «Realdyń» kezdesýі ótpek.
Gazettіń málіmetіnshe, bılet satý 23 qyrkúıekte bastalyp, sol kúnі-aq túgel satylyp ketken. Tіptі bіr sátte onlaın-kezekte 250 myńǵa jýyq adam turǵan — bul Almatydaǵy Ortalyq stadıon syıymdylyǵynan (23 myń oryn) úsh ese kóp.
Eýropa BAQ-yn eń qatty tańǵaldyrǵan — baǵa. Bıletter 30 myń teńgeden (shamamen 46 eýro) bastalyp, eń qymbat oryndar 250 myń teńgege (shamamen 400 eýro) deıіn jetken. Ispandyq jýrnalıster muny Qazaqstandaǵy eń tómengі jalaqyny eskergende «aspanmen teń» dep atady.
Degenmen AS.com jazǵandaı, baǵalar Chempıondar lıgasynyń halyqaralyq standarttaryna sáıkes qoıylǵan.
Al qazaqstandyq jankúıerler áleýmettіk jelіde baǵany ǵana emes, onlaın-saýda platformalarynyń іsten shyǵyp, kópshіlіktі uzaq kezekte qaldyrǵanyn da synǵa aldy.
Material avtory
