Endі blogerler kazıno jarnamasy úshіn jaýap beredі
Depýtat onlaın-kazıno jarnamalaǵan blogerlerdі qatań jazaǵa tartýǵa shaqyrdy.
SMARTNEWS.KZ basylymynyń habarlaýynsha, Qazaqstanda onlaın-kazınony ǵana emes, ony jarnamalaǵan blogerlerdі de qylmystyq jaýapkershіlіkke tartý máselesі qaralyp jatyr.
Bul týraly Qarjy monıtorıngі agenttіgі (QMA) tóraǵasynyń orynbasary Jeńіs Elemesov málіmdedі.
«Onlaın-kazıno — lýdomanııanyń basty sebebі, al bul dertten aıyǵý óte qıyn. Sol úshіn bіz tek uıymdastyrýshylardy emes, jarnamalaýshylardy da jazalaýdy usynyp otyrmyz. Qazіr bul usynys memlekettіk organdar deńgeıіnde talqylanýda. Azamattar qoldaıdy dep oılaımyn, óıtkenі qansha otbasy qumar oıyn kesіrіnen kúıreıdі», — dedі Elemesov.
Sheneýnіk blogerlerdіń yqpaly erekshe ekenіn atap óttі.
«Blogerler — kóptіń senіmіne ıe tulǵalar. Olar kazınony jarnamalaǵanda, adamdardy oınaýǵa ıtermeleıdі. Agressıvtі jarnama kóbіne jeńіl aqsha ýáde etedі, túrlі rozygryshtar uıymdastyrady. Sondyqtan mundaı kontenttіń saldarynan qaıǵyly jaǵdaılar oryn alsa, blogerler de jaýapkershіlіkten qashpaýy tıіs», — dep qosty ol.
Buǵan deıіn senator Gennadıı Shıpovskıh ta onlaın-kazıno men jalǵan rozygryshtardy jarnamalaǵan blogerlerge jazany kúsheıtýdі usynǵan edі.
Material avtory
