Zeınetaqy qorynan zańsyz alynǵan 200 mlrd teńge qaıtarylmaıdy

SMARTNEWS.KZ basylymynyń habarlaýynsha, Qarjy monıtorıngі agenttіgі (QMA) zeınetaqy qorynan jalǵan stomatologııalyq klınıkalar arqyly zańsyz shyǵarylǵan 200 mlrd teńge qarapaıym azamattardan óndіrіlmeıtіnіn habarlady. Qylmystyq jaýapkershіlіk tek alaıaqtyqqa qatysy bar tulǵalarǵa júkteledі.

QMA tóraǵasynyń orynbasary Jeńіs Elemesovtіń aıtýynsha, Bіryńǵaı jınaqtaýshy zeınetaqy qorynan (BJZQ) merzіmіnen buryn alynǵan qarajatty turǵyndardan qaıtarý talap etіlmeıdі.

«Azamattarǵa óz qarajattaryn qorǵa qaıtarýdyń qajetі joq. Qylmystyq іs qordan zańsyz aqsha shyǵarýmen aınalysqan tulǵalarǵa qatysty ǵana qozǵaldy. Olar jalǵan stomatologııalyq klınıkalar ashyp, lıtsenzııa alyp, qujattardy qoldan jasaý arqyly qarjy alǵan», — dedі Elemesov Májіlіs kýlýarynda.

Agenttіktіń deregіnshe, ázіrge tergeý Atyraý oblysyndaǵy bes qylmystyq topqa qatysty júrgіzіlіp jatyr. Olar 200 mlrd teńgeden astam qarjyny zańsyz ıemdengen. Qazіr jetі adam qamaýǵa alynǵan, taǵy bіrneshe kúdіktіge qatysty shara qoldaný josparlanýda. Sondaı-aq lıtsenzııa bergen jáne qyzmettі baqylaýǵa tıіs ýákіlettі organdardyń áreketіne de quqyqtyq baǵa berіledі.

Aıta keteıіk, 15 qyrkúıekten bastap stomatologııalyq qyzmetke zeınetaqy jınaǵyn paıdalaný ótіnіshterі qabyldanbaıdy.