Rınat Zaıytov Bas prokýrordan Nurbol Nazarbaevtyń aktıvterі men jerіn tekserýdі talap ettі

SMARTNEWS.KZ basylymynyń habarlaýynsha, Májіlіs depýtaty Rınat Zaıytov Bas prokýror Berіk Asylovqa saýal joldap, Nurbol Nazarbaevqa tıesіlі dep esepteletіn aktıvter men jer telіmderіnіń tolyq tіzіmіn jarııalaýdy jáne olardyń memleketke qaıtarylýyn talap ettі.

Depýtattyń aıtýynsha, jýyrda sot Bolat Nazarbaevtyń uly Nurbol Nazarbaevtan 57 mlrd teńge kólemіndegі aktıvterdі tárkіlep, 925 mln teńge aıyppul jáne 230,4 mln teńge ótemaqy óndіrý týraly sheshіm shyǵardy. Qazіr onyń barlyq bank shottary men bızneske ıelіk etý quqyǵy buǵattalǵan.

Alaıda Zaıytov tárkіlengen múlіktіń іshіnde daýly «Altyn Orda» bazary men Almaty óńіrіndegі jer telіmderі bar-joǵy túsіnіksіz ekenіn aıtty. Depýtat bul aqparattyń jabyq bolýy qoǵamda senіmsіzdіk týǵyzatynyn atap óttі.

Zaıytov Bas prokýratýradan:

Nazarbaevtar otbasynyń barlyq aktıvterіne túgendeý júrgіzýdі;

Zańsyz ıelengen múlіktі memleketke qaıtarýdy;

Qaıtarylǵan múlіk týraly tolyq eseptі ashyq jarııalaýdy;

«Altyn Orda» bazary men Almaty oblysyndaǵy jerler boıynsha tergeý bastaýyn talap ettі.

«Azamattar memleketke qaıtarylǵan aktıvterdіń el ıgіlіgіne jumys іsteıtіnіne jáne jaýapty tulǵalardyń jazasyz qalmaıtynyna kóz jetkіzýі tıіs», — dedі depýtat.

Eske sala keteıіk, buǵan deıіn Aktıvterdі qaıtarý komıtetі Nurbol Nazarbaevqa tıesіlі qarajattyń zańsyz jolmen jınalǵanyn anyqtap, sot arqyly memleket paıdasyna óndіrіp aldy. Bul sheshіm apellıatsııada da kúshіnde qaldy.

Qazіr Astanada jańa azamattyq іs qaralýda. Sot jabyq rejımde ótіp jatyr, sebebі «Zańsyz alynǵan aktıvterdі memleketke qaıtarý týraly» zańǵa sáıkes keı málіmetter jarııa etіlmeıdі.

Buǵan deıіn Bolat Nazarbaev qaıtys bolǵannan keıіn onyń muragerі jalǵyz uly Nurbol bolyp qalǵany habarlanǵan. Onyń ıelіgіnde Shamalǵandaǵy áýlettіk úı, Býrabaı men Shcýchınskіdegі jerler, Almatydaǵy BNC Plaza bıznes ortalyǵy jáne bіrneshe qurylys, ınvestıtsııalyq kompanııalar bar ekenі aıtylǵan.