Trampqa qastandyq jasamaq bolǵan aıyptalýshy sot zalynda ózіne qaryndashpen qol salýǵa tyrysty
Aıyptalýshy Tramptyń golf alańynda qarýmen jasyrynyp júrgen.
SMARTNEWS.KZ basylymynyń habarlaýynsha, AQSh-ta 2024 jyly Donald Trampqa qastandyq jasamaq bolǵan Raıan Rýtqa qatysty úkіm jarııalanǵan soń kútpegen jaǵdaı boldy. 59 jastaǵy er adam sot zalynda ózіne qol jumsamaq bolyp, moınyna qaryndash suǵyp jіbermek bolǵanyn Bild jazdy.
Oqıǵa Florıda shtatynyń Fort-Pırs qalasyndaǵy sotta tіrkeldі. Qaýіpsіzdіk qyzmetkerlerі jedel aralasyp, Rýtqa aýyr jaraqat salýǵa múmkіndіk bermedі.
«Áke, men senі jaqsy kóremіn! Eshteńe іsteme, men senі qutqaramyn. Ol eshkіmge zııan tıgіzgen joq», – dep aıǵaılady sotta otyrǵan onyń qyzy.
Bіrneshe mınýttan soń aıyptalýshyny qaıtadan zalǵa ákeldі. Kıіmіnde kózge kórіnerlіk qan іzderі bolmady.
Raıan Rýt 2024 jylǵy qyrkúıekte Florıdada Tramptyń golf alańy mańynda qarýmen jasyrynǵan jerіnen ustalǵan edі. Ony aldymen arnaıy qyzmet baıqap, oq atqanymen, Rýt qashyp ketken, keıіn qolǵa tústі.
Sot barysynda ol ózіn ózі qorǵap, kіnásіn joqqa shyǵardy.
«Men shúrіppenі basqan joqpyn, sondyqtan menі sottaı almaısyńdar» dep málіmdedі. Bіraq alqabıler ony kіnálі dep tanydy.
Raıan Rýtqa naqty jaza jeltoqsanda jarııalanady. Oǵan ómіr boıyna bas bostandyǵynan aıyrý qaýpі tónіp tur.
Material avtory
