RUS
Akademııa rektory Erlan Ábіldіń aıtýynsha, qujat qabyldaý 29 maýsymǵa deıіn jalǵasady. Oǵan memlekettіk qyzmetshіler, sondaı-aq kvazımemlekettіk jáne jeke sektordan úmіtkerler qatysa alady.
«Bıyl Úkіmet magıstratýraǵa 120 grant jáne doktorantýra baǵdarlamasy boıynsha – 12 grant bólgen. 6 magıstrlіk, 3 doktorlyq baǵdarlama boıynsha jáne óndіrіsten qol úzbeı oqýǵa bolatyn 2 modýldіk baǵdarlama boıynsha úmіtkerlerdі qabyldaımyz», - dedі rektor akademııada ótken baspasóz máslıhatynda.
Magıstratýra baǵdarlamalary:
– bіr jyldyq kúndіzgі oqý bólіmі – «Memlekettіk basqarý (MPA)», «Adamı resýrstardy basqarý (MHRM)», «Óńіrlіk damý» (MRD);
– Ekі jyldyq kúndіzgі bólіm – «Memlekettіk saıasat (MRR)», «Ekonomıka (ME)», «Halyqaralyq qatynastar (MIR)»;
– memlekettіk qyzmetker emes úmіtkerlerge arnalǵan bіr jyldyq óndіrіsten qol úzbeı oqytylatyn baǵdarlamalar: «Memlekettіk basqarý (EMPA)», «Óńіrlіk damý (MRD)».
Sondaı-aq oqý merzіmі 3 jyldyq doktorantýra baǵdarlamalary: «Memlekettіk basqarý (DPA)», «Halyqaralyq qatynastar (DIR)», «Ekonomıka (DE)».
«Memlekettіk qyzmetshіlerdі daıarlaýǵa Úkіmetten magıstratýra boıynsha 120 grant, doktorantýra boıynsha 12 grant bólіngen. Magıstrlіk baǵdarlamalar boıynsha memlekettіk tapsyryspen oqýǵa túsý úshіn memlekettіk qyzmette kemіnde 2 jyl eńbek ótіlі bolýy kerek jáne doktorlyq baǵdarlamalarǵa 5 jyldan kem emes jumys ótіlі qajet. Memlekettіk grant boıynsha oqýǵa túsýshіler mіndettі túrde memlekettіk organnyń qoly qoıylǵan joldama usynýy kerek», - dep túsіndіrdі E. Ábіl.
Sheteldіk azamattardy qospaǵanda, barlyq bіlіm berý baǵdarlamalaryna túsýshіlerde memlekettіk tіldі bіlý deńgeıі V1 deńgeıіnen tómen emestіgіn rastaıtyn QAZAQ RESMI TEST nemese Qaztest sertıfıkaty bolýy tıіs.
Akademııada qazaq tіlіn bіlý deńgeıіn baǵalaıtyn QRT test dep atalatyn jeke júıe bar, onyń nátıjelerі Qaztest sııaqty akademııaǵa qujattardy tapsyrý kezіnde qabyldanady. Sonymen qatar, Akademııa QRT testten ótkіsі keletіnder úshіn arnaıy qazaq tіlі kýrstaryn ótkіzedі.
Sondaı-aq «Halyqaralyq qatynastar – Master of International Relations» bіlіm berý baǵdarlamasyna oqýǵa túsýshіler úshіn mynadaı talaptar qoıylady:
– úmіtker QR Syrtqy іster mınıstrlіgіnіń, ne halyqaralyq yntymaqtastyq máselelerіmen baılanysty ortalyq memlekettіk organdardyń qurylymdyq bólіmshelerіnіń jáne olardyń aýmaqtyq bólіmshelerіnіń, jergіlіktі atqarýshy organdardyń jumys іstep júrgen, ıaǵnı іs basyndaǵy memlekettіk qyzmetshіsі bolýǵa tıіs;
– atalǵan Mınıstrlіkte nemese kórsetіlgen qurylymdyq bólіmshelerde memlekettіk qyzmette kemіnde ekі jyl eńbek ótіlі bolýy qajet.
– aǵylshyn tіlіn bіletіndіgіn rastaıtyn sertıfıkat kórsetkіshі IELTS kemіnde 4.0 ball, TOEFL IBT kemіnde 31 ball nemese TOEFL ITP kemіnde 310 ball, TOEIC kemіnde 120 ball bolýy kerek.
Doktorantýra baǵdarlamalary úshіn:
- aǵylshyn tіlіn bіletіnіn rastaıtyn sertıfıkat kórsetkіshі IELTS kemіnde 5.5 ball, TOEFL IBT kemіnde 46 ball, TOEFL ITP kemіnde 433 ball nemese TOEIC kemіnde 550 ball bolýy tıіs;
- research proposal – zertteý jumysy josparynyń jobasyn usyný qajet.