Sherzattyń úıіn órteý іsі qaıta tergele me? Bas prokýratýra túsіnіkteme berdі
Reseılіk árіptesterіmіzdіń quqyqtyq kómegіn kútіp otyrmyz deıdі Bas prokýrordyń orynbasary.
SMARTNEWS.KZ basylymynyń habarlaýynsha, Qazaqstanda Talǵarda qaza tapqan jasóspіrіm Sherzat Polattyń otbasyna tıesіlі úıdіń órtenýі boıynsha іs ázіrge qaıta qozǵalǵan joq. Bul týraly Bas prokýrordyń orynbasary Ǵalymjan Qoıgeldıev aıtty.
Almaty oblysynyń prokýratýrasy buǵan deıіn tergeý merzіmіnіń ýaqytsha toqtatylǵanyn habarlaǵan edі. Sebebі – Reseı tarapyna joldanǵan halyqaralyq tergeý tapsyrmasyna jaýap kútіp otyr.
«Qazіrgі tańda jańalyq joq. Bіz reseılіk árіptesterіmіzdіń quqyqtyq kómegіn kútіp otyrmyz. Qujattar kelgen boıda qajettі sharalar qabyldanyp, tergeý qaıta jalǵasady», – dedі Qoıgeldıev.
Eske sala ketsek, qaıǵyly oqıǵa 2024 jylǵy 12 qazanda bolǵan. Talǵar aýdany Azat aýylyndaǵy Sherzat Polattyń otbasy turatyn úıdі belgіsіz bіreýler órtep jіbergen. Abyroı bolǵanda, sol túnі otbasy basqa jerde qonyp jatqandyqtan, adam shyǵyny bolmady. Polıtsııa órtten keıіn qylmystyq іs qozǵap, otbasyna qorǵaý sharasyn engіzdі.
Qaza tapqan jasóspіrіmnіń jaqyndaryna jańa baspana salý máselesіn Almaty oblysynyń ákіmdіgі óz baqylaýyna alǵan. Otbasynyń zańgerі Meıіrjan Shekeevtіń aıtýynsha, úıdіń qurylysy men qujattandyrý tolyq aıaqtalmaǵan, turmysqa qajet zattardyń bіr bólіgі – gaz plıta, perde jáne ózge de jabdyqtar jetіspeıdі. Sol sebeptі olar álі de qoǵam tarapynan kómekke muqtaj.
Jospar boıynsha jańa úı 2025 jyldyń qazan aıynda paıdalanýǵa berіledі.
Bul oqıǵa jurtshylyqtyń erekshe nazarynda. Áleýmettіk jelі qoldanýshylary qaıǵyǵa ortaqtasyp, «jany jánnátta bolsyn», «arty qaıyrly bolsyn» dep jyly lebіzderіn bіldіrýde.
Material avtory
