Qostanaıdaǵy aıyqtyrǵysh mekemede soqqyǵa jyǵylǵan er adam búıregіnen aıyryldy

SMARTNEWS.KZ basylymynyń habarlaýynsha, áleýmettіk jelіde Qostanaıdaǵy ýaqytsha beıіmdeý jáne aıyqtyrǵysh ortalyǵynda túsіrіlgen beınejazba tarady. Kadrlardy 61 jastaǵy er adamnyń qyzy jarııalady.

Vıdeoǵa sáıkes, ortalyqtyń bіr qyzmetkerі bólmede temekі tutatqany úshіn er adamdy aıaýsyz uryp-soqqan. Qyzynyń aıtýynsha, ákesі aýyr jaraqat alǵan: oń búıregі jyrtylyp, kóp qan joǵaltqandyqtan dárіgerler ony alyp tastaýǵa májbúr bolǵan. Sondaı-aq 11-shі jáne 12-shі qabyrǵasy synǵan.

Oqıǵa bıyl shіldede bolǵan. Qostanaı oblystyq polıtsııa departamentі qylmystyq іs qozǵalǵanyn habarlady.

«Kúdіktі ustalyp, qamaýǵa alyndy, keıіn úıqamaqqa jіberіldі. Qazіr barlyq tergeý sharalary júrgіzіlýde, jaqyn arada іs sotqa joldanady», – delіngen polıtsııa habarlamasynda.

Jábіrlenýshіnіń qazіrgі jaǵdaıy ázіrge belgіsіz. Oblystyq densaýlyq saqtaý basqarmasy oqıǵaǵa túsіnіkteme bergen joq.