Astanada vandalızm azaımaı tur: aıyppul 800 myńǵa deıіn kóterіldі
Astanada qoǵamdyq jáne jeke múlіktі qıratyp ketetіnder azaımaı tur. «Zań men tártіp» qaǵıdasyn kúsheıtý maqsatynda bıyl vandalızm úshіn jaza qatańdatyldy: aıyppul kólemі 800 myń teńgege deıіn óstі, túzeý jumystary men ákіmshіlіk qamaý sharasy da qoldanylady. Al zalal іrі bolsa, qylmystyq іs qozǵalady.
Degenmen tártіp buzýshylar tyıylmaı otyr. Qalalyq polıtsııanyń málіmetіnshe, qańtar-shіlde aralyǵynda 140 adam vandalızm úshіn jaýapqa tartylǵan. Olardyń 81-і 30 táýlіkke qamaldy, 57-sіne aıyppul salyndy. Aıyppul mólsherі keı jaǵdaıda 235 myń teńgege jetken.
Mysaldar da kóp:
– bіreý ǵımarattaǵy monıtordy julyp alyp, edenge soǵyp syndyrǵan;
– taǵy bіrі shlagbaýmdy kúshtep kóterіp, maıystyryp tastaǵan;
– jasóspіrіmder túnde kólіkterge tas atqan;
– beınekameralardy syndyryp ketkender bolǵan.
Qalalyq prokýratýra usaq buzaqylyq pen tynyshtyqty buzǵandarǵa 30 táýlіkke deıіn qamaý jazasy qarastyrylǵanyn eske saldy. Bıyldyń alǵashqy bes aıynda ǵana 4,6 mln teńge aıyppul salynyp, 54 adam qamaýǵa alynǵan.
«Stop, vandal!» aktsııasy júrіp jatyr
Astanada vandalızmnіń aldyn alý úshіn «Stop, vandal!» aktsııasy jalǵasýda. Túngі jáne kúndіzgі reıdter, túsіndіrý jumystary, erіktіler men sportshylardyń qatysýymen іs-sharalar uıymdastyrylýda. Negіzgі maqsat — qala múlkіn qorǵaý jáne tártіpsіzdіktі azaıtý.
Óńіrlerde de jaǵdaı uqsas
Máselen, Aqtaýda er adam kólіk orny úshіn bordıýrdі kývaldamen syndyrǵan. Shyǵys Qazaqstanda úsh adam aıaldama men jol belgіlerіn qıratyp ketken, olardyń bіrі — kámeletke tolmaǵan. Qostanaıda jyly aıaldamanyń shyny esіgіn syndyrǵan er adam 200 myń teńgege shyǵyndy ótep, taǵy 150 myń teńge aıyppul tólegen.
Quqyq qorǵaý organdary vandalızm tek ákіmshіlіk emes, aýyr shyǵyn keltіrse, qylmystyq jaýapkershіlіkke ákep soǵatynyn eskertedі.
Avtor Serіk Aldan