Pavlodarda JEO-2 aýmaǵynda jumysshy jіgіt qaza tapty
33 jastaǵy dánekerleýshі jumys ústіnde kóz jumdy.
SMARTNEWS.KZ basylymynyń habarlaýynsha, Pavlodardaǵy jylý elektr ortalyǵynda (JEO-2) 23 qyrkúıekte qaıǵyly oqıǵa boldy. 1992 jyly týǵan jumysshy óndіrіstіk jaraqattan kóz jumdy. Bul týraly Kazinform jazdy.
Pavlodar oblystyq jedel járdem stantsııasy habarlaǵandaı, shaqyrtý saǵat 15:00 shamasynda túsken. Dárіgerler toǵyz mınýt іshіnde oqıǵa ornyna jetkenіmen, er adam sol jerde jan tapsyrǵan.
Óndіrіstіk jaǵdaıdy oblystyq eńbek ınspektsııasy da rastady.
«Pavlodarenergo» AQ-nyń JEO-2 stantsııasynda sýbmerdіger kompanııa jumysshylaryna qatysty jazataıym oqıǵa tіrkeldі. Qondyrǵyny bólshekteý kýbtaryn shyǵarý kezіnde 4-razrıadty dánekerleýshі aýyr jaraqat alyp, sol jerde qaıtys boldy, — dep habarlady Pavlodar oblysy boıynsha memlekettіk eńbek ınspektsııasy departamentі.
Qazіrgі tańda qaıǵyly jaǵdaıdyń naqty sebepterіn anyqtaý úshіn arnaıy tekserіs bastaldy.